बैतडी । बैतडीमा दुई पक्षबीच झडप हुँदा दुई जना घाइते भएका छन् । जिल्लाको दोगडाकेदार गाउँपालिका ४ का २३ बर्षिय नरेन्द्र बिष्ट र सोही ठाउँकै ३० बर्षिय सुरजसिंह ठगुन्ना घाइते भएका हुन् ।
बिष्टको टाउकोमा चोट लागेको प्रहरीले जनाएको छ । श्रीकोट स्वास्थ्य चौकीमा सामान्य उपचार पछि धनगढी पठाउने तयारी भैरहेको दोगडाकेदार गाउँपालिका-४ का वडाअध्यक्ष तर्कराज भट्टले जानकारी दिनुभयो । बिहीबार बेलुका स्थानीय लटैनाथ मन्दिरमा लागेको गौरा मेलामा झडप हुँदा उनीहरु दुबै जना घाइते भएका जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिनुभयो ।
कुटपिटमा संलग्न ३ जनालाई प्रहरीले नियन्त्रणमा लिएको छ । दोगडाकेदारकै रोसन चन्द, सन्जय चन्द र किरण चन्दलाई पक्राउ गरिएको प्रहरी निरीक्षक पाण्डेयले बताउनुभयो ।
पक्राउ परेका तीनैजना इलाका प्रहरी कार्यालय पाटनको नियन्त्रणमा रहेका छन् । दुईपक्षबीच वादविवाद पछि झडप भएको प्रारम्भिक अनुसन्धानबाट खुल्न आएको छ । घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच