काठमाडौं । महान् पर्व हरितालिका तीज, बडादशैँ तथा शुभ दीपावलीलाई लक्षित गरेर स्मार्टचोइस टेक्नोलोजिज लिमिटेड(एससिटी) ले ‘तिर्की दाउ’ ट्रायल अफर सार्वजनिक गरेको छ । अफरअन्तर्गत एससिटी-युपिआई डेबिट कार्ड प्रयोगकर्ताले कुनै पनि खरिदमा पोसमार्फत् विद्युतीय कारोबार गर्दा सात सय ७७ रुपैयाँसम्मको क्यासब्याक प्राप्त गर्न सक्नेछन् । हालसम्म एससिटी-युपीआई डेबिट कार्ड नलिएका ग्राहकले कार्ड जारी गर्न एससिटीसँग आबद्ध बैंक तथा वित्तीय संस्थामा गएर प्राप्त गर्न सक्नेछन् ।
ग्राहकले सो अवधिमा छ महिनादेखि प्रयोगमा नल्याएको एससिटी-युपीआई डेबिट कार्ड प्रयोग गरेमा एक सय ११ क्यासब्याक र सबै प्रयोगकर्ताले तीन वा सोभन्दा धेरैपटक कारोबार गर्दा तीन सय ३३ क्यासब्याक प्राप्त गर्न सक्नेछन् । साथै सात वा सोभन्दा धेरै कारोबार गर्दा सात सय ७७ क्यासब्याक पाउन सक्नेछन् ।
हरेक कारोबारको रकम पाँच सय वा सोभन्दा धेरै हुनुपर्नेछ र एउटै टर्मिनलबाट दिनको एकपटकको कारोबारमात्र अफरका लागि मान्य हुने कम्पनीले जनाएको छ । भारतमा पनि नेपाली रुपैयाँ २५ सय वा सोभन्दा धेरैको कारोबार गरेको खण्डमा नेपाली रुपैयाँ दुई सय ५० को क्यासब्याक प्राप्त गर्न सकिनेछ । अफर अक्टोबर ३१ सम्म लागू हुने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच