बेइजिङ । चीनले रुससँग संयुक्त सैन्य अभ्यास गर्ने भएको छ । नौसेना तथा वायुसेनाले रुसको तटमा रहेको जापानी सागर र ओखोत्स्कको सागर वरपरको आकाशमा संयुक्त अभ्यास-२०२४ मा भाग लिने चीनको रक्षा मन्त्रालयले जनाएको हो ।
चिनियाँ तथा रुसी सेनाबीचको रणनीतिक सहयोगलाई बलियो बनाएर सुरक्षा खतरासँग संयुक्त रूपमा सामना गर्ने क्षमता बढाउन अभ्यास गर्न लागिएको सोमबार मन्त्रालयले उल्लेख गरेको छ ।
दुवै पक्षले संयुक्त समुद्री गस्तीका लागि ‘प्रशान्त महासागरको समुद्री क्षेत्र’मा नौसेना पठाउनेछन् । चीनले रुसको ओसन-२०२४ रणनीतिक अभ्यासमा पनि भाग लिनेछ । यसअघि जुलाईमा दुई देशले चीनको गुआङडोङ प्रान्तस्थित झानजियाङ शहर वरपरको पानी र हवाई क्षेत्रमा संयुक्त अभ्यास गरेका थिए ।
सन् २०२२ मा मस्कोले युक्रेनमा आक्रमण गर्नुअघि उनीहरूले सीमाविहीन साझेदारीको घोषणा गरेका थिए । गत महिना रूसी राष्ट्रपति भ्लादिमिर पुटिनले मस्कोमा चिनियाँ प्रधानमन्त्री ली किआङसँगको भेटमा रूसको चीनसँगको आर्थिक र व्यापारिक सम्बन्ध ‘फलदायी’ भएको बताउनुभएको थियो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच