पेरिस । फ्रेन्च लिग वानमा पेरिस सेन्ट जर्मेन (पिएसजी)ले अपराजित यात्रा कायमै राखेको छ । शनिबार राती सम्पन्न खेलमा पिएसजीले ब्रेस्टविरुद्ध ३-१ गोलको पुनरागमन जित हासिल गरेको हो । पिएसजीको जितमा ओस्मान डेम्बेलेले २ गोल गर्दा फाबियन रुइजले एक गोल थप्नुभयो । ब्रेस्टका रोमियन डेल कास्टिलोले पेनाल्टीमार्फत् २९औँ मिनेटमा अग्रता दिलाउनुभएको थियो ।
४२औँ मिनेटमा मार्को एसेन्सोका पासमा डेम्बेलेले गोल गर्दै पिएसजीलाई बराबरीमा ल्याउनुभएको थियो । ७३औँ मिनटमा अचरफ हकिमीको पासमा फावियन रुइजले गोल गरेपछि पिएसजी २-१ ले अघि बढेको थियो । लगत्तै अर्को मिनेटमा डेम्बेलेले गोल गरेपछि पिएसजी ३-१ ले विजयी हुँदै जारी सिजनमा अपराजित यात्रा कायमै राख्न सफल भएको हो ।
पिएसजीले ४ खेलबाट १२ अंक जोडेको छ । ब्रेस्ट भने समान खेलबाट ३ अंकका साथ तालिकाको १२औँ स्थानमा छ । फ्रेन्च लिगकै अन्य खेलमा मोनाकोले एक्सुरेलाई ३-० गोल अन्तरले पराजित गरेको छ । यस्तै, मार्सेले नाइसलाई २-० ले स्तब्ध बनाएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच