काठमाडौं । भारतीय महिला राष्ट्रिय भलिबल टोलीकी महत्वपूर्ण खेलाडी शिल्पा सिन्धुले एभरेष्ट महिला भलिबल लिग (इडब्ल्युभिएल)को फ्रेन्चाइजी टिम गण्डकी थन्डर्सबाट खेल्नुहुने भएको छ । आउँदै गरेको सिजनका लागि गण्डकीले उहाँलाई टिममा अनुबन्ध गरेको हो । शिल्पा भारतीय टिमकी भरपर्दी खेलाडी हुनुहुन्छ ।
शिल्पाले भारतलाई अन्तर्राष्ट्रियस्तरमा सफलता दिलाउन महत्वपूर्ण योगदान गर्नुभएको छ । नेपालमा नै आयोजना भएको पहिलो र दोस्रो काभा महिला भलिबल नेसन्स लिगको उपाधि भारतले जित्दा जिनी टिमको महत्वपूर्ण सदस्य हुनुहुन्थ्यो । २२ वर्षीय मिडिल ब्लकर शिल्पाले भारतबाट एसियन च्याम्पियनसिप, एसियन गेम्स, एभिसी च्यालेन्ज कप, काभा नेसन्स लिग र काभा च्यालेन्ज कप खेल्नुभएको छ ।
शिल्पाले भारतमा हुने दानिकुट्टी डेविड मेमोरियल एन्डोमेन्ट अवार्ड २०२३ पनि जित्नुभएको थियो । गण्डकीले शिल्पालाई आफ्नो दोस्रो विदेशी खेलाडीका रूपमा अनुबन्ध गरेको हो । यसअघि गण्डकीले रसियाकी एलिसा रुबियकलाई अनुबन्ध गरेको थियो ।
इन्फिनिटी ड्रिम्सको आयोजनामा पहिलोपटक महिला भलिबलको फ्रेन्चाइज लिग हुन लागेको हो । आगामी असोज १४ देखि १९ गतेसम्म काठमाडौंको दशरथ रंगशालामा कभर्डहलमा हुने इडब्लुभिएलका लागि गण्डकी तयार छ । गण्डकीले अब आफ्नो अन्तिम तथा तेस्रो विदेशी खेलाडी छिट्टै सार्वजनिक गर्ने टिमका प्रबन्धक विकास खेतानले तयारी छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच