पलेशा र एरिकालाई वागमती सरकारको सम्मान

हिमालय टाइम्स

३ आश्विन २०८१, बिहिबार १७:३६

Read Time = 1 min

प्रदेश समाचार

बागमती प्रदेश

A A- A+

हेटौंडा । पेरिस पारालिम्पिक्समा ऐतिहासिक काँस्य विजेता पलेशा गोवद्र्धन र एशियाली खेलकुदमा रजत विजेता एरिका गुरूङलाई वागमती सरकारले आज नगदसहित सम्मान गरेको छ ।

हेटौँडामा आयोजित कार्यक्रममा नेपालको लागि अहिलेसम्मकै ठूलो पदक विजेता पलेशालाई नगद १० लाख प्रदान गरी सम्मान गरिएको हो । प्रशिक्षक कविराज नेगी लामालाई २ लाख प्रदान गरिएको छ । यसैगरी एशियाली खेलकुदमा नेपाललाई रजत दिलाएकी एरिकालाई ५ लाखसहित सम्मान गरिएको छ । एरिका एसियन च्याम्पियनसिपमा भाग लिन चीनमा रहेको कारण उहाँकी माता रत्ना गुरुङले सम्मान ग्रहण गर्नुभयो । उहाँका प्रशिक्षक कुशल श्रेष्ठलाई एक लाखसहित सम्मान गरिएको छ ।

यसैगरी तेक्वान्दो र करातेको प्रदेश संघलाई नगदबाट सम्मान गरिएको हो । कार्यक्रम अघि पलेशा र उहाँका प्रशिक्षक लामालाई नगर परिक्रमा गराइएको थियो ।

यो खबर पढेर तपाईलाई कस्तो महसुस भयो ?