मड्रिड । ला लिगा फुटबलमा रियल मड्रिडले डेपोर्टिभो एलाभेसलाई हराएको छ । मंगलबार राती सान्टियागो बर्नबेउमा सम्पन्न खेलमा रियलले एलाभेसलाई ३-२ ले हराएको हो । घरेलु टोलीलाई चौथो जित दिलाउने क्रममा केलियन एम्बाप्पेले लगातार पाँचौँ खेलमा गोल गर्नुभयो । रियलले लुकास भाजक्वेजको गोलमा खेलको पहिलो मिनेटमै अग्रता लिएको थियो ।
एम्बापेले ४०औँ र रोड्रिले ४८औँ मिनेटमा गोल गर्नुभयो । एलाभेसका लागि कार्लोस बेनाभिडेजले ८५औँ र किका गार्सियाले ८६औँ मिनेटमा गोल फर्काउनुभएको थियो । जितसँगै रियल सात खेलमा १७ अंकसहित तालिकाको दोस्रो स्थानमा छ । एक खेल कम खेलेको बार्सिलोना १८ अंकसहित शीर्षस्थानमा छ ।
मंगलबार राती नै भएका अन्य खेलमा सेभियाले रियल भालाडोलिडलाई हराएको छ । सेभियाले रियल भालाडोलिडलाई २-१ ले हराएको हो । यसैगरी भ्यालेन्सिया र ओसासुनाले गोलरहित बराबरी खेलेका छन् । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच