काठमाडौं । यात्रुको सुरक्षालाई अझ सुदृढ र प्रभावकारी बनाउन टेलिमेटिक्स टेकले दशैँको विशेष उपहारस्वरूप लामो दूरीका रात्री बसमा निःशुल्क जिपिएस उपकरण वितरण गर्ने भएको छ ।
उक्त योजनाअन्तर्गत ‘फस्र्ट कम, फस्र्ट सर्भ’ आधारमा लामो दूरीका एक हजार रात्री बसमा जिपिएस प्रणाली निःशुल्क जडान गरिने कम्पनीका संस्थापक आतिश गैरेले बताउनुभयो । उहाँले भन्नुभयो, ‘विशेषगरी दशैँजस्तो चाडपर्वमा जब लाखौं नेपालीहरू लामो दूरीको यात्रा गरेर परिवार र गाउँघर फर्किन्छन्, बस सञ्चालकहरूका लागि यात्रालाई सुरक्षित बनाउनु अत्यन्त जरुरी हुन्छ ।’ कम्पनीका अनुसार जिपिएस उपकरण बस सञ्चालकका लागि हो, जसले बसको हरेक गतिविधि वास्तविक समयमा ट्र्याक गर्न मद्दत पुर्याउनेछ ।
यसले बस कम्पनीलाई तत्कालको बसको वास्तविक अवस्था र सञ्चालनबारे जानकारी दिनेछ । जियोमेटको जिपिएस प्रणाली मुख्यतः बस सञ्चालकका लागि उपयोगी छ । जसले बसलाई वास्तविक समयमा ट्र्याक गर्न मद्दत गर्छ । यो प्रणालीले बस सञ्चालकलाई सर्भिसिङको सही समय पहिचान गर्न र इन्धनको खपतको अनुगमन गर्न सहयोग गर्ने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच