काठमाडौं । इन्टरनेशनल ट्रान्सपोर्ट वर्कस फेडेरेशन ४६औं वल्र्ड कांग्रेसको इलेक्टोरल बैठकले नेपालका अजयकुमार राईलाई विश्व कार्य समिति सदस्य पदमा पुनः निर्वाचित गरेको छ ।
अक्टोबर १३ बाट सुरु भएको इन्टरनेशनल ट्रान्सपोर्ट वर्कस फेडेरेशन बेलायतको बैठकले राईलाई आगामी पाँच वर्ष अर्थात् सन २०२९ सम्मका लागि निर्वाचित गरेको हो । विश्व स्तरमा यातायाततर्फको ट्रेड युनियन क्षेत्रमा क्रियाशील १२८ वर्ष पुरानो उक्त संस्थाले नेपाल ट्रेड युनियन कांग्रेसका महासचिव राईलाई पुनः निर्वाचित गरेको हो ।
फेडेरेशनको सन् २०१८ मा सिंगापुरमा सम्पन्न वल्र्ड कांगे्रसमा पहिलो पटक नेपालबाट राई नै विश्व कार्य समिति सदस्यमा निर्वाचित हुनुभएको थियो । लण्डनमा मुख्यालय रहेको फेडेरेशनको १४९ देशमा सञ्जाल छ । करिब दुई करोड सदस्य रहेको फेडेरेशनले नागरिक उड्डयन, पानी जहाज, रेल्वे, सडक, बन्दरगाह, पर्यटन, शहरी यातायात गरी नौ क्षेत्रका श्रमिकहरू समावेश छन् ।
विश्वभरका ७५० भन्दा बढी श्रमिक संगठनहरू यस फेडेरेशनसँग आबद्ध छन् । फेडेरेशनले यातायात क्षेत्रका श्रमिकहरूका लागि विश्वस्तरमा अन्तर्राष्ट्रिय श्रमिक संगठन (आईएलओ), आईकाओ जस्ता संस्थासँग सहकार्य गर्दै अन्तर्राष्ट्रिय कानुन बनाउने, श्रमिक हक अधिकारका लागि गतिविधि सञ्चालन गर्दै यातायात श्रमिक संगठनहरूलाई सशक्त बनाउने काम गर्दै आएको छ ।
निर्वाचित राई करिब ३२ वर्षदेखि नेपालको श्रमिक आन्दोलनमा क्रियाशील हुनुहुन्छ । नेपालका श्रमिकहरूको मुद्दालाई अन्तर्राष्ट्रियस्तरमा आवाज उठाउँदै आउनुभएका उहाँ नेपाल यातायात मजदुर संघका प्रमुख सल्लाहकारसमेत हुनुहुन्छ ।
अनौपचारिक क्षेत्रको श्रमिक युनियन नेपाल यातायात मजदुर संघको तीन कार्यकाल अर्थात् १५ वर्ष अध्यक्ष रही राईले सो युनियनको नेतृत्व गरिसक्नुभएको छ । अनौपचारिक क्षेत्रबाट आफ्नो ट्रेड युनियन राजनीति सुरु गर्नुभएका राईले पटक-पटक विश्वस्तरमा पाइला राख्नु नेपाली श्रमिक आन्दोलनको उपलब्धि रूपमा लिनुपर्ने नेपाल प्रेस युनियनका अध्यक्ष शिव लम्सालले प्रतिक्रिया दिनुभयो ।
विश्वभरबाट करिब दुई हजार श्रमिक नेताहरू समावेश रहेको अक्टोबर १३ बाट सुरु भएको प्रत्येक पाँच वर्षमा हुने ४६औं वल्र्ड कांगे्रसको समापन भने अक्टोबर १९ मा हुनेछ । त्यस्तै आगामी पाँच वर्षका लागि ब्रिटिश मूलका स्टिफन कटन तेस्रो अवधिका लागि महासचिवमा सर्वसम्मत निर्वाचित हुनुभएको छ । निर्वाचित विश्व कार्य समिति सदस्यहरूले अक्टोबर १९ मा अध्यक्षको चयन गर्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच