काठमाडौं । पछिल्लो समय निरन्तररूपमा सुनको मूल्यले नयाँ रेकर्ड बनाइरहेको छ । दशैँपछिको साता सुनको मूल्यले एकपछि अर्को नयाँ रेकर्ड बनाएको हो । विगत केही समयदेखि उचाइतर्फ लागेको मूल्यले गत बुधबार, बिहीबार र पछिल्लो कारोबार दिन शुक्रबार तीनै दिन एकपछि अर्को गर्दै नयाँ उचाइ कायम गरेको नेपाल सुनचाँदी व्यवसायी महासंघले जनाएको छ । अन्तर्राष्ट्रिय बजारमा देखिएको द्वन्द्वको प्रभावसँगै अमेरिकी डलरको विनिमय दरमा देखिएको मजबुतीले सुनको मूल्यमा नयाँ रेकर्ड कायम गर्न सहयोग पु¥याएको विश्लेषकहरूको भनाइ छ ।
महासंघका अनुसार नेपाली बजारमा पनि यस साता सुनको मूल्यले रेकर्ड कायम गर्यो । साताको पहिलो र दोस्रो दिन दशैँ बिदा परेकाले दुर्ई दिन कारोबार भएन । साताको तेस्रो दिन मंगलबार प्रति १० ग्राम एक लाख ३७ हजार छ सय रुपैयाँ रहेको सुनको मूल्य साताको चौथो दिन बुधबार उच्च रेकर्ड राख्दै प्रति १० ग्राम एक लाख ३८ हजार सात सय १५ रुपैयाँ पुग्यो ।
त्यस्तै बिहीबार पनि नयाँ रेकर्ड राख्दै प्रति १० ग्राम एक लाख ३९ हजार दुई सय ३० पुग्यो भने शुक्रबार पुनः नयाँ रेकर्ड राख्दै प्रति १० ग्राम सुनको मूल्य एक लाख ४० हजार नौ सय ४५ पुग्यो । जुन मूल्य साताको पहिलो कारोबार दिन मंगलबारको तुलनामा पछिल्लो कारोबार दिन शुक्रबार प्रति १० ग्राम तीन हजार तीन सय ४५ रुपैयाँ बढी हो । चाँदीको मूल्य भने सामान्य बढेको छ । साताको पहिलो दिन मंगलबार प्रति १० ग्राम एक हजार छ सय ५० रुपैयाँ ५० पैसा रहेको मूल्य साताको पछिल्लो कारोबार दिन शुक्रबार प्रति १० ग्राम एक हजार छ सय ९७ रुपैयाँ ५० पैसा कायम भएको महासंघका महासचिव किरणभाइ बज्राचार्यले बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच