लुटोन । इंग्लिस प्रिमयर लिगमा म्यानचेस्टर सिटीले अपराजित यात्रा कायम राखेको छ । आइतबार राती भएको खेलमा वल्भेसलाई २-१ ले पराजित गर्दै अपराजित यात्रा कायमै राखेको हो । सिटीको जितमा इन्जुरी समयको गोल निर्णायक बन्यो । सिटीका लागि जोन स्टोनेसले इन्जुरी समयको पाँचौँ मिनेटमा गरेको गोल निर्णायक बनेको हो । त्यसअघि खेलमा अग्रता भने वल्भेसले ७औँ मिनेटमै जोर्गेन स्ट्रान्ड लर्सेनको गोलमा लिएको थियो । सिटीले जोस्को गार्डिओलको गोलमा ३३औँ मिनेटमा बराबरी गोल गरेको थियो । तर, त्यसपछि थप गोल हुन सकेन ।
अर्को खेलमा अंक तालिकाको शीर्ष स्थानमा रहेको लिभरपुलले चेल्सीलाई २-१ ले पराजित गर्यो । एनफिल्डमा भएको खेलमा नवनियुक्त प्रशिक्षक अर्ने स्लटले आफ्नो प्रभावशाली प्रदर्शनलाई निरन्तरता दिनुभयो । स्लटले लिभरपुलबाट खेलेका सुरुवाती ११ मध्ये १० खेलमा जित निकाल्नुभएको छ । लिभरपुललाई अग्रता दिलाउने क्रममा मोहम्मद सलाहले २९औँ मिनेटमा पेनाल्टीमार्फत् टोलीलाई अग्रता दिलाउनुभएको थियो । तर, पहिलो हाफमै रेफ्रीले दोस्रो पेनाल्टीको मौका दिए पनि भिएआर चेक गर्दा उक्त पेनाल्टीले मान्यता पाएन ।
दोस्रो हाफको सुरुवातमै चेल्सीले खेल बराबरीमा ल्यायो । निकोलस ज्याकसनले ४८औँ मिनेटमा बराबरी गोल फर्काउनुभएको थियो । तर, बराबरी लामो समय रहन सकेन । लिभरपुलका कर्टीस जोनेसले ३ मिनेटपछि नै गरेको गोल लिभरपुलका लागि निर्णायक बन्यो । जितपछि लिभरपुल आठ खेलको समाप्तिमा २१ अंक बनाएर तालिकाको शीर्ष स्थानमा रहेको छ । त्यस्तै सिटी २० अंकका साथ दोस्रो स्थानमा रहेको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच