कालीकाेट । बाजुराकाे जगन्नाथ गाउँपालिका-५ भुकाखाेलामा गएराती माेटरसाइकल दुर्घटनामा परि एकजनाको मृत्यु भएको छ ।
मृत्यु हुनेमा कालीकाेटकाे सान्नीत्रिवेणी गाउँपालिका वडा नम्बर-८ मुम्राका स्थानीय अन्दाजी वर्ष ३० का खेम बुढा रहेको बताइएकाे छ ।
कालीकोटदेखि बाजुराकाे जगन्नाथ गाउँपालिका वडा नम्बर-४ नाराकाेट बस्ने ३७ वर्षीय मामा नाता पर्ने खडक भण्डारीलाई लिफ्ट दिएर फर्किने क्रममा हिल्सा-खुलालु कर्णाली करिडोरअन्तर्गत बाजुराकाे भुकाखाेलामा बाइक दुर्घटनामा परि बुढाकाे मृत्यु भएको हाे ।
कर्णाली प्रदेश ०२-००२ प ४८१ नम्बरको मोटरसाइकल बुधबार राति ९:५० बजे अनियन्त्रित भई दुर्घटना भएको र दुर्घटनामा जगन्नाथ गाउँपालिका-४ का खड्क भण्डारी घाइते भएको जिल्ला प्रहरी कार्यालय बाजुराले जनाएको छ ।
दुर्घटनामा परि मृत्यु भएका बुढाको घटनास्थलबाट पोष्ट मार्टमका लागि कालीकोट जिल्ला अस्पताल पठाइएको र घाइते भएका मृतकका मामा भण्डारीलाई स्थानीय स्वास्थ्य संस्थामा उपचार पश्चात् अनुसन्धानका लागि जगन्नाथमा रहेकाे जुड्डी प्रहरीले नियन्त्रणमा लिएको बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच