ललितपुरमा तातोपानी स्नान गृह सञ्चालन

हिमालय टाइम्स

११ कार्तिक २०८१, आइतबार ०४:४४

Read Time = 4 mins

सिफारिस

प्रधानमन्त्री ओलीद्वारा तेस्रो विश्व नेपाली साहित्यिक सम्मेलनको उद्घाटन

प्रिन्ट संस्करण

अर्थ ताजा समाचार

अर्थ/कर्पोरेट

A A- A+

ललितपुर । ललितपुर महानगरपालिका ३ स्थित ठाडोढुंगामा तातोपानीले नुहाउने गृह सञ्चालनमा आएको छ । वडाले एकसाथ छजनाले नुहाउन सकिने गरी स्नान गृह सञ्चालनमा ल्याएको वडाध्यक्ष श्रीगोपाल महर्जनले जानकारी दिनुभयो । उक्त स्थान गृहको नाम युनिसोलार साओर स्टेसन राखिएको छ । स्नान गृहमा महिला र पुरुषका लागि अलग-अलग कक्षको व्यवस्था गरिएको छ । चिनियाँहरूले गरेको सर्वेक्षणअनुसार उक्त कक्षमा नुहाउन प्रतिव्यक्ति ८० रुपैयाँ तोकिनुपर्नेमा वडावासीको सहजताका लागि आधा रकम वडाले बेहोर्ने गरी गृहकार्य भइरहेको वडाध्यक्ष महर्जनले बताउनुभयो । उहाँले भन्नुभयो, ‘यस विषयमा औपचारिक निर्णय भएको छैन । शुल्कको विषयमा निर्णय नभएसम्म निःशुल्करूपमा नुहाउन दिइरहेका छौँ ।’ स्नान गृह निर्माणका लागि नेपालस्थित युनान व्यापारिक प्रतिनिधित्व कार्यालयले आर्थिक सहयोग प्रदान गरेको थियो । युनिसोलार नेपाल प्रालिको प्राविधिक सहयोगमा स्नान गृह तयार पारिएको वडा कार्यालयले जनाएको छ ।

स्नान गृह निर्माणका लागि नेपालस्थित युनान व्यापारिक प्रतिनिधित्व कार्यालयले आर्थिक सहयोग प्रदान गरेको हो ।

शुक्रबार आयोजित एक समारोहबीच ललितपुर महानगरपालिकाका मेयर चिरिबाबु महर्जनले उक्त स्नान गृह उद्घाटन गर्नुभएको हो । सो अवसरमा नेपालका लागि चिनियाँ कार्यवाहक राजदूत वाङ सिनले वडाध्यक्ष महर्जनलाई स्नान गृह हस्तान्तरण गर्नुभएको थियो । राजदूत वाङले वडाले सञ्चालन गर्दै आएको जनहितका कार्यक्रमलाई मध्यनजर गरेर स्थान गृह निर्माण गरिएको उल्लेख गर्दैै समाज र राष्ट्रको परिवर्तन सानातिना कामबाटै हुने बताउनुभयो ।

वडाध्यक्ष महर्जनले नेपाल र चीनबीच सयौं वर्ष पुरानो जनस्तर र दुर्ई देशबीचको कूटनीतिक सम्बन्धको एउटा ज्वलन्त प्रमाण स्नान गृह रहेको भन्दै स्नान गृह संरक्षण तथा प्रवद्र्धनमा जोड दिनुभयो । वडाले जनहितका योजनाअन्तर्गत सर्वसाधारणको दैनिक जीवनलाई प्रत्यक्ष प्रभाव पार्ने योजना एकपछि अर्को गर्दै सञ्चालन गर्दै आएको छ । यसअघि व्यावसायिक तालिम केन्द्र सञ्चालनमा ल्याइएको थियो । विपन्न तथा असहाय, एकल महिला, सामुदायिक विद्यालयमा अध्ययनरत छात्रछात्राका लागि भत्ता प्रदान गर्दै आएको छ । दीर्घरोगी, कडा रोगीलाई एक महिनाका लागि १० हजारसम्मको औषधि, १० हजार बराबर उपचार खर्च र ७५ वर्ष नाघेका ज्येष्ठ नागरिकको जन्मदिन मनाउन प्रतिव्यक्ति एक हजार रुपैयाँ प्रदान गर्दै आएको छ ।

तातोपानी

स्नान गृह

ललितपुर

यो खबर पढेर तपाईलाई कस्तो महसुस भयो ?