नयाँदिल्ली । आइसिसीको टेस्ट ब्याट्सम्यान वरीयतामा भारतका विराट कोहली शीर्ष २० र रोहित शर्मा शीर्ष २५ बाट आउट हुनुभएको छ । बुधबार जारी गरिएको पछिल्लो वरीयतामा ऋषभ पन्त र शुभमन गिलले आफ्नो स्थान सुधार गर्नुभएको छ । रविचन्द्रन आश्विन बलर वरीयतामा पाँचौँ स्थानमा हुनुहुन्छ । अलराउन्डरको सूचीमा रविन्द्र जडेजा शीर्ष स्थानमा हुनुहुन्छ ।
कोहलीले बंगलादेश र न्युजिल्याण्डविरुद्धको घरेलु टेस्ट सिरिजमा एक अर्धशतकमात्र बनाउनुभएको थियो । उहाँले १० इनिङ्समा २१.३३ को औसतमा १९२ रन बनाउनुभएको छ । लगातार पाँच टेस्टमा कमजोर प्रदर्शनका कारण विराट आठ स्थान गुमाएर २२औँ स्थानमा पुग्नुभएको हो । विराट १० वर्षपछि टप-२० टेस्ट वरीयताबाट बाहिर हुनुभएको हो । पछिल्लोपटक उहाँ सन् २०१४ मा इंग्ल्याण्डविरुद्ध खराब प्रदर्शनका कारण टप-२० बाट बाहिरिनुभएको थियो । सोही वर्ष उहाँ अष्ट्रेलियामा चार शतक बनाएर शीर्ष १० मा फर्किनुभएको थियो । अब भारतले नोभेम्बर २२ बाट फेरि अष्ट्रेलियाको भ्रमण गर्दैछ ।
ब्याट्सम्यानको वरीयतामा रोहित शर्मा पनि २४औँ बाट २६औँ स्थानमा झर्नुभएको छ । भारतका विकेटकिपर ब्याट्सम्यान ऋषभ पन्त छैटौँ स्थानमा पुगेर शीर्ष १० मा प्रवेश गर्नुभएको छ । शुभमन गिल पनि ४ स्थानको उछाल गर्दै १६औँ स्थानमा पुग्नुभएको छ । टेस्ट ब्याट्सम्यानमा यशस्वी जैसवाल शीर्ष भारतीय बन्नुभएको छ । तर, न्युजिल्याण्ड सिरिजपछि उहाँ पनि एक स्थान गुमाएर चौथो स्थानमा पुग्नुभएको छ । इंग्ल्याण्डका जो रुट पहिलो र न्युजिल्याण्डका केन विलियम्सन दोस्रो स्थानमा हुनुहुन्छ ।
बंगलादेशविरुद्धको टेस्ट सिरिजपछि बलरको वरीयतामा भारतका जसप्रित बुमराह पहिलो र रविचन्द्रन आश्विन दोस्रो स्थानमा हुनुहुन्छ । न्युजिल्याण्ड सिरिजपछि बुमराह तेस्रो र आश्विन पाँचौँ स्थानमा पुग्नुभएको छ । यद्यपि रविन्द्र जडेजा दुई स्थान माथि उछिन्दै छैटौँ स्थानमा पुग्नुभएको छ । दक्षिण अफ्रिकाका कागिसो रबाडा पहिलो स्थानमा र अष्ट्रेलियाका जोस हेजलउड दोस्रो स्थानमा हुनुहुन्छ । अलराउन्डर वरीयतामा भारतका रविन्द्र जडेजा अझै शीर्ष स्थानमा हुनुहुन्छ । रविचन्द्रन आश्विन दोस्रो नम्बरमा हुनुहुन्छ भने अक्षर पटेल आठ नम्बरमा झर्नुभएको छ ।
न्युजिल्याण्डसँगको टेस्ट शृंखला ०-३ ले गुमाए पनि भारतीय टिम वरीयतामा दोस्रो स्थानमा छ । अष्ट्रेलिया शीर्ष स्थानमा छ । न्युजिल्याण्ड एक स्थान माथि उक्लिएर पाँचौँ स्थानमा पुगेको छ । ओडिआई र टी-२० मा टिम इण्डिया शीर्ष टोलीमा छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच