रवि र छविसहित १० जनाविरुद्ध चितवनमा पनि पक्राउ पुर्जी जारी

हिमालय टाइम्स

७ मङ्सिर २०८१, शुक्रबार १८:५२

Read Time = 2 mins

डिजिटल संस्करण

समाचार

A A- A+

चितवन । राष्ट्रिय स्वतन्त्र पार्टी (रास्वपा) का सभापति रवि लामिछाने र पूर्वडीआईजी छविलाल जोशीविरुद्ध चितवनमा पनि पक्राउ पुर्जी जारी भएको छ ।

सहकारी ठगी प्रकरणमा जिल्ला अदालत चितवनका न्यायाधीश दयाराम ढकालले शुक्रबार रवि र जोशीसहित १० जनाविरुद्ध पक्राउ पुर्जी जारीका लागि अनुमति दिनुभएको थियो।

चितवनको साहारा सहकारी पीडित २४ जनाले उनीहरूविरूद्ध पुरक जाहेरी दिएका थिए ।

यसैबीच गोरखा मिडिया नेटवर्कका पूर्व सञ्चालक समेत रहेका जोशीलाई बिहीबार काठमाडौं जिल्ला सरकारी वकिल कार्यालयमा बयान सकिएपछि शुक्रबार साँझ जिल्ला प्रहरी कार्यालय कास्की पठाइएको छ ।

सूर्यदर्शन सहकारीको रकम अपचलन गरेको आरोपमा पक्राउ परेका जोशीविरुद्ध काठमाडौंको कालीमाटीस्थित स्वर्णलक्ष्मी बहुउद्देश्यीय सहकारी संस्थाको बचत रकम अपचलन गरेको आरोप छ ।

जोशीलाई स्वर्णलक्ष्मी सहकारी ठगी प्रकरणमा गत मंगलबार काठमाडौं झिकाइएको थियो । सरकारी वकिल कार्यालय काठमाडौंमा छविको बयान सकिएपछि उनलाई कास्की पठाइएको हो ।

यही प्रकरणमा जोडिएका राष्ट्रिय स्वतन्त्र पार्टीका सभापति लामिछाने काठमाडौं ल्याउने तयारी छ । लामिछाने कात्तिक २ गते काठमाडौंबाट पक्राउ परेका थिए ।

स्वर्णलक्ष्मी सहकारी प्रकरणमा लामिछानेविरुद्ध पनि पक्राउ पुर्जी जारी भएको छ । बयानका लागि लामिछानेलाई पनि काठमाडौं ल्याउन लागिएको हो । यसअघि रवि र छवि दुबैलाई रुपन्देही पनि लगिएको थियो ।

सरोकार

यो खबर पढेर तपाईलाई कस्तो महसुस भयो ?