बर्लिन । बुन्डेसलिगामा बायर्न म्युनिखले अग्सबर्गलाई पराजित गरेको छ । शुक्रबार राती सम्पन्न खेलमा हृयारी केनले हृयाट्रिक गरेपछि बायर्न म्युनिखले अग्सबर्गलाई ३-० ले पराजित गरेको हो । यद्यपि प्रशिक्षक भिन्सेन्ट कम्पनीको टोलीले जित निकाल्न इन्जुरी समयसम्म पर्खनुपरेको थियो । तर, केनले दोस्रो पेनाल्टीमार्फत् गोल गर्दै नतिजा पक्का गर्नुभयो । उहाँले ६३ र ९३औँ मिनेटमा पेनाल्टीमार्फत् गोल गर्नुभएको थियो । त्यसको दुई मिनेटपछि लियोन गोरेट्ज्काको क्रसलाई नियन्त्रण गर्दै केनले हेडरमार्फत् गोल गर्दै हृयाट्रिक पूरा गर्नुभयो ।
जितपछि केनले भन्नुभयो, ‘हामीले धैर्य गर्नुपथ्र्यो । पहिलो हाफमा हामीले केही अवसर पाएका थियौँ । तर, सदुपयोग गर्न सकेनौँ । खेललाई ओपनिङ गर्न पेनाल्टी पायौँ ।’ इंग्ल्याण्डका फरवार्ड बुन्डेसलिगामा आफ्नो ४३औँ खेलमा सबैभन्दा छिटो ५० गोल गर्ने खेलाडी बन्नुभएको छ । केनले बुन्डेसलिगाको ४३ खेलमा ५० गोल पूरा गर्नुभएको हो । उहाँले इर्लिङ हालान्डको नाममा रहेको कीर्तिमान तोड्नुभएको छ । हाल म्यानचेस्टर सिटीमा रहनुभएका हालान्डले बोरुसिया डर्टमुन्डबाट खेल्दा ५० खेलमा ५० गोल गर्नुभएको थियो ।
च्याम्पियन्स लिगअन्तर्गत अक्टोबर २३ मा बार्सिलोनालाई ४-१ ले पराजित गरेपछि बायर्नले लगातार छैटौँ जित हात पारेको हो । यो जितसँगै ११ खेलमा अपराजित रहने क्रममा नौ जित र दुई बराबरी खेलेको बायर्न २९ अंकसहित शीर्ष स्थानमा छ । एक खेल कम खेलेको आरपी लिपजिङभन्दा बायर्नको आठ अंक बढी छ । असबर्ग १२ अंकका साथ १३औँ स्थानमा छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच