कठमाडौं । नेप्लिज योङ इन्टरप्रेनियर्स फोरम (एनवाइइएफ) काठमाडौं च्याप्टरले ग्लोबल आइएमई बैंक एनवाइइएफ स्टार्टअप अवार्ड्स ४.० का लागि ओरियन्टेसन कार्यक्रम सफलतापूर्वक सम्पन्न गरेको छ । पाटन कलेज फर प्रोफेसनल स्टडिजमा सम्पन्न भएको उक्त कार्यक्रमले नेपालमा उद्यमशीलताको सम्भावना मजबुत बनाउने आयोजकले जनाएको छ । आयोजकका अनुसार यस वर्षको प्रतियोगिताका लागि नेपालभरका एक सय ७० भन्दा बढी स्टार्टअप दर्ता भएका छन् । ओरियन्टेसनले प्रतियोगिताको प्रक्रिया, मेन्टरसिप र वृद्धिका अवसरबारेमा विस्तृत जानकारी प्रदान गरेको थियो ।
कार्यक्रममा एनवाइइएफ काठमाडौं च्याप्टरका अध्यक्ष अभिमन्यु गोल्छाले स्टार्टअपलाई स्केल गर्न र सफल बनाउन यस्ता प्लेटफर्ममा जोड दिनुभएको थियो भने अध्यक्ष सन्दीप शर्माले प्रतियोगिताको संरचनाबारे विस्तृत जानकारी प्रदान गर्दै मेन्टरसिप, नेटवर्किङ र पुरस्कार जित्ने अवसरबारे चर्चा गर्नुभएको थियो ।
कार्यक्रम समापन एनवाइइएफ नेसनल गभर्निङ काउन्सिलकी कार्यकारी सदस्य बिलाषा श्रेष्ठले गर्नुभएको थियो । आयोजकका अनुसार ग्लोबल आइएमई बैंक एनवाइइएफ स्टार्टअप अवार्ड्स ४.० केवल एक प्रतियोगितामात्र नभई पाँच लाख रुपैयाँभन्दा माथिको नगद पुरस्कार, विशेषज्ञ परामर्श र लगानीकर्तासँगको सम्पर्क बढाउने एक प्रगतिशील प्लेटफर्म पनि हो । नेपाली स्टार्टअपको महत्वाकांक्षालाई निरन्तर समर्थन गर्ने प्रतिबद्धता एनवाइइएफले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच