काठमाडौं । विशेष अदालतको फैसला चित्त नबुझेपछि अख्तियार दुरुपयोग अनुसन्धान आयोगले सर्वोच्च अदालतमा पुनरावेदन गरेको छ ।
सोलुखुम्बुको लिखुपिके गाँउपालिका-२ का तत्कालीन वडा अध्यक्ष रमेश कुमार बस्नेत, गाउँपालिकाका प्रमुख प्रशासकीय अधिकृत राजेन्द्र भण्डारी र लेखा प्रमुख जीवन सुवेदीलाई विशेषले एक वर्षअघि सफाइ दिने भनेर गरेको निर्णयविरुद्ध आयोगले मंगलबार पुनरावदेन गरेको हो ।
विशेषले गरेको फैसला आयोगलाई चित्त नबुझेपछि सर्वोच्च अदालतमा पुनरावेदन गरिएको प्रवक्ता नरहरि घिमिरेले बताउनु भयो ।
वडा कार्यालय भवन निर्माणका लागि निःशुल्क रूपमा दानपत्रमा पास गरेको जग्गा त्यसविपरीत हुने गरी बस्नेत, भण्डारी र सुवेदीले झुट्टाे बिल भरपाईको आधारमा ६ लाख ६० हजार भुक्तानी गरेकोमा लेखा परीक्षण बेरुजु पश्चात ६० हजार दाखिला गरी बाँकी ६ लाख बराबरको हानिनोक्सानी पुर्याएको अख्तियारको अभियोग छ ।
प्रतिवादीहरूको मनसाय पहिला निःशुल्क जग्गा प्राप्तिका लागि केही प्रयास गरे जस्तो देखाउने गरी सूचना निकाल्ने र पछि नक्कली बिल भरपाई दिई रकम लिने मनसाय रहेको उनीहरूको कार्यबाट देखिएको आयोगले बताएको छ ।
भवन निर्माणका लागि निःशुल्क रूपमा प्राप्त गरेको तथ्य २०७५ फागुन १५ गतेको मालपोत कार्यालयमा भएको दानपत्रको लिखतबाट देखिएको आयोगले जनाएको छ । उक्त हक हस्तान्तरण गर्ने लिखतमा मात्र नभएर र जग्गा खरिद गर्दा बिक्री गर्दा बुझाउनु पर्ने मालपोत रसिदमा समेत निःशुल्क उल्लेख भएबाट जग्गा खरिद नगरी निःशुल्क रूपमा वडा कार्यालयले प्राप्त गरेको आयोगले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच