भोजपुरलाई उपाधि

हिमालय टाइम्स

७ पौष २०८१, आइतबार ०३:४९

Read Time = 2 mins

सिफारिस

बायर्नको विशाल जित

प्रिन्ट संस्करण

खेलकुद

खेलकुद बिविध

A A- A+

ताप्लेजुङ । ताप्लेजुङको दोभानमा सम्पन्न पुसे मेला अन्तर्राष्ट्रिय आमन्त्रण तथा अन्तरजिल्लास्तरीय पुरुष भलिबल प्रतियोगिताको उपाधि भोजपुरले जितेको छ । अघिल्लो वर्षको विजेता झापाको पाथीभरा टाइगर भलिबल क्लबलाई तीन-शून्यको सोझो सेटमा पराजित गर्दै भोजपुरले उपाधि चुमेको हो ।

झापामाथि भोजपुरले २५-२१, २५-१६ र २५-२३ को अंकमा जित निकालेको थियो । उपाधि जितसँगै भोजपुरले तीन लाख रुपैयाँ नगद पुरस्कारसहित ट्रफी, पदक र प्रमाणपत्र पाएको छ । त्यस्तै उपविजेता बनेको झापाले एक लाख ७५ हजार रुपैयाँ नगद र ट्रफी, पदक तथाा प्रमाणपत्र प्राप्त गर्‍यो । सेमिफाइनलमा संखुवासभाको सभापोखरीलाई २५-२३, ३०-२८ र २५-२१ को सेटमा पराजित गर्दै भोजपुर फाइनल पुगेको थियो ।

त्यस्तै मुकेश मेमोरियल क्लब ताप्लेजुङलाई २५-१९, २५-२१ र २५-१९ ले पराजित गर्दै झापा फाइनलमा पुगेको थियो । प्रतियोगितामा भारत, सिक्किमको नाम्चे भलिबल क्लबसहित सात टोलीको सहभागिता थियो ।

भलिबल

खेलकुद

भलिबल प्रतियोगिता

यो खबर पढेर तपाईलाई कस्तो महसुस भयो ?