लण्डन । इंग्लिस प्रिमियर लिग फुटबलमा म्यानचेस्टर सिटीले सानदार जित निकालेको छ । आइतबार राती सम्पन्न खेलमा सिटीले लेस्टर सिटीलाई २-० ले हराएको हो । सिटीलाई जिताउन साभिन्होले पहिलो हाफमा सिटीलाई सुरुवाती अग्रता दिलाउनुभएको थियो ।
७४औँ मिनेटमा एर्लिङ हालान्डले दोस्रो गोल गर्दै लयमा फर्किन संघर्षरत चारपटकको डिफेन्डिङ लिग च्याम्पियनका सबै प्रतियोगिताको पाँच खेलको जितविहीन यात्रा समाप्त गर्नुभयो । यो मुख्य प्रशिक्षक पेप ग्वार्डिओलाको ५००औँ खेल थियो । यसले ग्वार्डिओलाको नौ वर्षको नेतृत्वमा सबैभन्दा खराब नतिजाको सामना गरिरहेको टोलीको पुरानो लयमा फर्किने प्रयासमा रहेको देखिन्छ ।
सबै प्रतियोगिताका १४ खेलमा क्लबको यो दोस्रो जित हो । रेलिगेसन जोनमा रहेको टोलीविरुद्ध पनि सिटीले दोस्रो हाफको अधिकांश समय बलका लागि संघर्ष गरिरहेको थियो । जितसँगै पाँचौँ स्थानमा उक्लिएको सिटीले १९ खेलबाट ३१ अंक पुर्याएको छ ।
ग्वार्डिओलाले आइतबारको खेलपछि भन्नुभयो, ‘यसले मलाई हाम्रो अघिल्लो सफलता कति ठूलो थियो भन्ने कुरा अझै स्पष्ट गराएको छ । चोटपटक र कठिन परिस्थितिका बाबजुद पनि धेरै वर्षसम्म हामी अविश्वसनीय रूपमा स्थिर र सफल थियौँ । यसपल्ट केही लय खस्किने अपेक्षा त थियो तर यति ठूलो हुने कल्पना गरेको थिइनँ । हाम्रो अहिलेको कठिनाइको मुख्य कारण भनेकै ७-८ प्रमुख खेलाडी घाइते हुनु हो । तर, मैले टोलीको मिहिनेत, अभ्यासमा देखाएको समर्पण र ध्यानलाई सकारात्मक देखेको छु ।’
लिगकै अर्को खेलमा लिभरपुलले वेस्ट हृयाम युनाइटेडलाई ५-० गोलअन्तरले पराजित गर्दै यो वर्षको अन्त्य गरेको छ । मोहम्मद सलाहको अर्को उत्कृष्ट प्रदर्शनले लिभरपुललाई लिगका १८ खेलमा १४औँ जित दिलाएको हो । योसँगै शीर्ष स्थानको लिभरपुलले ४५ अंक पु¥याएको छ, जुन दोस्रो स्थानको नटिङ्गम फोरेस्टभन्दा आठ अंक बढी हो ।
लण्डन रंगशालामा वेस्ट हृयामविरुद्ध लिभरपुललाई सुरुवाती अग्रता लिन आधा घण्टा लागेको थियो । लुइस डियाजले ३०औँ मिनेटमा गोल गर्नुभयो । त्यसको १० मिनेटपछि सलाहको पासमा कोडी गाक्पोले गोल गर्दै अग्रता दोब्बर बनाउनुभयो । पहिलो हाफको अन्त्यतिर सलाह आफैंले गोल गर्नुभयो । ट्रेन्ट एलेक्जेन्डर-आर्नोल्डले ५४औँ र डिओगो जोटाले ८४औँ मिनेटमा गोल गर्दै लिभरपुलको फराकिलो जित सुनिश्चित गर्नुभयो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच