एजेन्सी । अन्तर्राष्ट्रिय लिग (आइएल) टी-२० मा नेपाली युवा अलराउण्डर कुशल मल्ल सम्मिलित डेजर्ट भाइपर्सले पहिलो हार बेहोरेको छ । लगातार चार जित हात पारेको डेजर्टले सोमबार राती भएको खेलमा दुबई क्यापिटल्ससँग ६ विकेटको हार बेहोरेको हो । डेजर्टले पाँच खेल खेलिसक्दा कुशलले डेब्युको अवसर पाउनुभएको छैन । १४० रनको लक्ष्य क्यापिटल्सले १७.४ ओभरमा ४ विकेट गुमाएर पूरा गर्यो । क्यापिटल्सको जितमा गुलबदिन नैबले सर्वाधिक ७८ रन जोड्नुभयो ।
कप्तान सिकन्दर राजाले २४, ओपनर बेन डुकले १३ तथा नजिबुल्लाह जाद्रानले १० रन बनाउँदा डेजर्टका कप्तान लकी फगुर्सनले २ र मोहम्मद आमिरले १ विकेट लिनुभयो ।
त्यसअघि दुबईमा टस हारेर पहिले ब्याटिङको निम्तो पाएको डेजर्ट १९.५ ओभरमा १३९ रनमा समेटिएको थियो । डेजर्टका लागि एलेक्स हेल्सले सर्वाधिक ३४ रन जोड्नुभयो । सरफन रादरफोर्डले २७, डान लरेन्सले २४ तथा फखर जमानले १४ रन बनाउनुभयो । क्यापिटल्सका दुश्मन्था चमिरा र जाहिर खानले समान ३, हैदर अली, आबेद म्याकोई, सिकन्दर राजा र गुलबदिन नैबले समान १ विकेट लिनुभयो । डेजर्ट पाँच खेलमा चार जित र एक हारका साथ अंक तालिकाको शीर्ष स्थानमा छ । क्यापिटल्स पाँच खेलमा दुई जितका साथ चौथो स्थानमा रहेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच