हेटौंडा । नेपाल बुद्धिचाल महासंघले ११ चरणको राउण्ड रोविन प्रतिस्पर्धा सम्पन्न गर्दै एफएम रूपेश जैसवाल र सिन्दिरा जोशीलाई पुरुष र महिला राष्ट्रिय च्याम्पियन बनाएको छ । हेटौंडामा एक सातासम्म चलेको बुद्धिचाल प्रतियोगितामा शनिबार रौतहटका रूपेश जैसवाल नौ अंक जोडेर २५औँ राष्ट्रिय चेस च्याम्पियन बन्नुभएको हो । उहाँको यो दोस्रो राष्ट्रिय उपाधि हो । रूपेशले चौथो वरीयताबाट खेल प्रारम्भ गर्दै सात जित, चार बराबरी खेल्नुभयो । उहाँले आफ्नो व्यक्तिगत रेटिङ २०.९३ बाट खेल सुरु गरेर ३०.२ रेटिङ बढाउनुभएको छ ।
युवा पुरुषोत्तम सिलवालले टाइब्रेकरका आधारमा दोस्रो बन्दै प्रतिस्पर्धा अन्त्य गर्नुभयो । वर्तमान नेपाल च्याम्पियन राजन सुवेदीसँग समान ८.५ अंक बनाउनुभएका पुरुषोत्तमको ३७.२५ टाइब्रेक प्वाइन्ट र राजन ३६.२५ मा सीमित हुनुभयो । झापाका राजन तेस्रो स्थानमा रहनुभयो ।
मकवानपुरका क्षितिज भण्डारीले आठ अंक बनाएर चौथो हुनुभयो । दोलखाका आशिष फुँयाल सात अंक जोडेर पाँचौं स्थानमा रहनुभयो ।
यस्तै, नेपाल बुद्धिचाल महासंघको आयोजनामा सञ्चालन भएको १०औँ महिला राष्ट्रिय च्याम्पियन सिन्दिरा जोशीले नौ अंक बनाउनुभयो । उहाँले उत्कृष्ट खेल खेली उपाधि जोगाउन सफल हुनुभएको हो । पुनम प्रसाईं आठ अंक जोडेर दोस्रो हुनुभयो । निकै कडा प्रतिस्पर्धामा झापाकी पुनमले टाइब्रेक प्वाइन्ट ३८.७५ प्राप्त गर्नुभएको थियो ।
बाँकेकी इशा गिरीले आठ अंक टाइब्रेक प्वाइन्ट ३६.२५ का आधारमा तेस्रो स्थान हासिल गर्नुभयो भने काठमाडौंकी एञ्जल महर्जनले समान आठ अंक जोडेर चौथो स्थानमा रहनुभयो । विजेतालाई बागमती प्रदेश सरकार कृषि तथा पशुपक्षी विकास मन्त्री प्रकाश श्रेष्ठ, बागमती प्रदेश सांसद एकलाल श्रेष्ठ, साउथ एसियन चेस फेडेरेसनका अध्यक्ष एवं अल इण्डियन चेस फेडेरेसनका कोषाध्यक्ष धर्मेन्द्र कुमार, महासंघका अध्यक्ष हेराकाजी महर्जन, महासंघका उपाध्यक्ष श्याम ब्यञ्जनकार, महासचिव धरमबहादुर लामालगायतले पुरस्कार प्रदान गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच