काठमाडौं । दोस्रो संस्करणको ‘सगुन ज्वेलर्स प्रजेन्ट्स मिसेस भोग नेपाल-२०२५’को उपाधि सुमी मल्लले चुम्नुभएको छ । बौद्धस्थित बौद्ध हेरिटेजमा आयोजित प्रतियोगितामा मल्लले ‘मिसेस भोग नेपाल-२०२५ ब्राण्ड एम्बासडर’को उपाधि चुम्नुभएको हो । रुथ शिवाकोटीले कमर्सियल एम्बासडरको उपाधि जित्नुभएको छ ।
हाउस अफ फेसनको आयोजनामा भएको यो सौन्दर्य प्रतियोगितामा सञ्जु श्रेष्ठ फस्र्ट रनरअप, प्रिया खड्गी सेकेण्ड रनरअप तथा स्वेता बज्राचार्य थर्ड रनर अप घोषित हुनुभयो ।
प्रतियोगितामा समाजका विभिन्न क्षेत्रलाई प्रतिनिधित्व गरेका १७ जना विवाहित महिलाहरूले भाग लिएका थिए । विभिन्न क्षेत्रमा भिन्दै परिचय बनाइसकेका प्रतियोगीहरूले प्रतियोगितामा उत्कृष्ट प्रस्तुति दिएका थिए ।
स्टेजमा प्रदर्शनको तयारीमा रहेको फिल्म ‘मायावी’का अभिनेता समिम खान, अभिनेत्री दीपिका प्रसाईं तथा निर्माता ध्रुव न्यौपाने प्रस्तुत भएर चलचित्रको गीत तथा ट्रेलर प्रदर्शन गर्दै उपस्थित दर्शकलाई चलचित्रबारे जानकारी गराउनुभयो । त्यसपछि हाउस अफ फेसन मोडल रनवेअन्तर्गत कोरियन ब्युटी प्वाइन्टका उत्पादनहरू प्रदर्शन गरिएको थियो ।
मिसेस भोग नेपाल २०२५ मा सुमी मल्ल, सरिता डंगोल, रुथ शिवाकोटी, रेनु सुर्खेती, मोनिका नापित, इन्दिरा बस्नेत, जयत्री तामाङ, रञ्जना बम, ज्योति कार्की, अर्चना चौधरी, कोरोना घिमिरे रञ्जित, प्रिया खड्गी, शर्मिला गिरी, विनिसा थापा, श्वेता बज्राचार्य, सीमा भुर्तेल तथा सञ्जु श्रेष्ठले प्रतिस्पर्धा गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच