ज्योति साहित्य प्रतिष्ठानको २१४औं साहित्यिक शृंखलामा सम्मान

हिमालय टाइम्स

१३ फाल्गुन २०८१, मङ्गलबार ०५:२०

Read Time = 4 mins

सिफारिस

ब्रहृमायणी विद्यालयको ४३औँ वार्षिकोत्सव

प्रिन्ट संस्करण

साहित्य/कला

A A- A+

काठमाडौं । ज्योति साहित्य प्रतिष्ठानले २१४औं साहित्यिक शृंखलामा साहित्यकार रञ्जना निरौलालाई ‘ज्योति स्रष्टा सम्मान’ अर्पण गरेको छ । कार्यक्रममा प्रमुख अतिथि प्रा.तुलसी दिवसले साहित्यकार निरौलालाई ‘ज्योति स्रष्टा सम्मान’ अर्पण गर्नुभएको थियो । प्रमुख अतिथि प्रा.दिवसले अध्यक्ष मणिराज सिंहको सक्रियता अनुकरणीय भएको बताउनुभयो ।

‘ज्योतिसाहित्यको कार्यक्रममा म नियमित जस्तै उपस्थित हुने गरेको छु । बिनाकुनै सरकारी वा संस्थागत सहयोगमा नियमित रूपमा साहित्यिक कार्यक्रम गरेर नयाँ र पुराना साहित्यकारका रचना सुन्ने सुनाउने अवसर दिने यस प्रतिष्ठानका अध्यक्ष मणिराज सिंहको सक्रियता लोभलाग्दो मात्र होइन अनुकरणीयसमेत छ’, उहाँले भन्नुभयो ।

काठमाडौं अनामनगरस्थित डालो रेष्टुरेन्टमा भएको कार्यक्रममा विशिष्ट अतिथिहरू कवि शैलेन्द्र साकार, प्राडा.गार्गी शर्मा, ज्ञान उदास, नरेन्द्रबहादुर श्रेष्ठ, जलेश्वरी श्रेष्ठ, प्रेम राई परीक्षित, बुद्धिमान महर्जन, रमा ओलीलगायतले अस्वस्थ भए पनि अध्यक्ष मणिराज सिंहले साहित्यानुरागी र साहित्यकारहरूलाई प्रोत्साहन गरिरहेकोमा खुशी व्यक्त गर्दै आ-आफ्ना कविता वाचन गर्नुभएको थियो ।

प्रतिष्ठानका अध्यक्ष सिंहले हरेक महिनाको दोस्रो शनिबार १ बजे यस प्रकारका साहित्यिक कार्यक्रमहरू निरन्तर आयोजना गरिने प्रतिबद्धता व्यक्त गर्नुहुँदै आगामी २१५औं कार्यक्रम विश्व कविता दिवस (मार्च २१) को अवसरमा चैत ९ गते शनिबार (मार्च २२ ) मा ‘विश्व कविता दिवस विशेष’ सम्पन्न गरिने जानकारी दिएर उपस्थित सम्पूर्ण अतिथि र साहित्यकारहरूप्रति ज्योति साहित्य प्रतिष्ठानको तर्फबाटआभार व्यक्त गर्नुभएको थियो ।

सो अवरमा नेपाली सरोकार मासिक पत्रिकाको ‘साहित्यकार विशेष अंक’ को लोकार्पण प्रमुख अतिथि प्रा.दिवसले गर्नुभएको थियो । कार्यक्रममा सुनिता अधिकारीले सञ्चालन गरेको कार्यक्रममा जनार्दन अधिकारी धड्कन, रूद्र अधिकारी, लोकमान मास्के, दिनेशविक्रम थापा, एलपी पराजुली, योगाज राजन, प्रमोद सारंग, जानुका थापा, अमर अधिकारी, सन्ध्या जोशी, जी केयन खरेडी, सुमन राज्य लक्ष्मी राणा, रमाकुमारी वली, घननारायण श्रेष्ठ, बेटी बज्राचार्यलगायतका स्रष्टाले आ–आफ्ना सिर्जना वाचन गर्नुभएको थियो ।

शृंखला

सम्मान

साहित्य

यो खबर पढेर तपाईलाई कस्तो महसुस भयो ?