नवलपरासी । पश्चिम नवलपरासीको बर्दघाटस्थित खजुरा खोलाबाट अवैध रूपमा नदिजन्य पदार्थ चोरी निकासी गरिरहेको अवस्थामा नगर प्रहरीले ६ वटा ट्याक्टर नियन्त्रणमा लिएको छ ।
नगर प्रहरी प्रमुख पिताम्बर सापकोटाकाअनुसार ती ट्याक्टरहरूलाई बर्दघाटको चौपत्ताबाट नियन्त्रणमा लिइएको हो । बुधबार र बिहीबार गरी दुई दिनको अवधिमा बालुवा लोड गरिरहेका ६ वटा ट्याक्टर नियन्त्रणमा लिइएको बताइएको छ ।
नगरपालिकाले केही दिनअघि मात्रै अवैध रूपमा संकलन गरिएको नदिजन्य पदार्थको डम्पिङ जफत गरेको थियो । तर, पछिल्लो समय चोरी निकासी व्यापक रूपमा बढ्दा खजुरा खोलाबाट नदिजन्य सामग्री सकिने अवस्थामा पुगेको छ ।
नगरपालिकाकाअनुसार प्रारम्भिक वातावरणीय परीक्षण (आईईई) प्रतिवेदनअनुसार उक्त क्षेत्र वन क्षेत्रअन्तर्गत परेपछि खोला ठेक्का लगाउन नसकिएको हो। नगर प्रहरीले रातिको समयमा चोरी नियन्त्रण गर्न कठिनाइ हुने र धम्कीसमेत आउने भएकाले थप चुनौती सामना गर्नुपरेको जनाएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच