कपिलवस्तु । दोस्रो संस्करणको मुख्यमन्त्री कपिलवस्तु (तिलौराकोट) गोल्डकप नकआउट फुटबल प्रतियोगिताको उपाधि मच्छिन्द्र फुटबल क्लब, काठमाडौंले जितेको छ । बिहीबार सम्पन्न भएको फाइनलमा मच्छिन्द्रले थ्रीस्टार क्लब, ललितपुरलाई एक–शून्यले पराजित गर्दै उपाधि उचालेको हो ।
मच्छिन्द्रको जितमा देवेन्द्र तामाङले निर्णायक गोल गर्दै मच्छिन्द्रलाई विजयी बनाउनुभएको थियो । उहाँले खेलको ६२औँ मिनेटमा गोल गर्दै आफ्नो टोलीलाई उपाधिको नजिक पु¥याउनुभएको थियो । विजेता मच्छिन्द्रले नगद ११ लाख ११ हजार १११ रुपैयाँसहित उपाधि प्राप्त गरेको छ । उपविजेता थ्रीस्टार क्लबले पाँच, लाख ५५ हजार ५५५ रुपैयाँ नगद र ट्रफी र मेडल प्राप्त गरेको छ ।
प्रतियोगितामा विशेष पुरस्कारहरू पनि वितरण गरिएको थियो । जसअन्तर्गत उत्कृष्ट गोलरक्षकको पुरस्कार मच्छिन्द्रका सन्तोष महतलाई, उत्कृष्ट डिफेन्डरको पुरस्कार मच्छिन्द्रकै सिमोन डेनियललाई, उत्कृष्ट मिडफिल्डरको पुरस्कार मच्छिन्द्रका अनिल खड्कालाई र उत्कृष्ट फरवार्डको पुरस्कार थ्रीस्टारका आशिष गुरुङले प्राप्त गर्नुभएको छ । यी उत्कृष्ट खेलाडीहरूलाई जनही ३० हजार रुपैयाँ र ट्रफी पुरस्कारका रूपमा प्रदान गरिएको थियो ।
कपिलवस्तु गोल्डकपको सर्वश्रेष्ठ खेलाडीको सम्मान मच्छिन्द्रका सौरभ सुब्बाले जित्नुभयो । उहाँले आफ्नो उत्कृष्ट प्रदर्शनको उपाधि नगद पचास हजार रुपैयाँ र ट्रफी प्राप्त गर्नुभएको थियो । थ्रीस्टार क्लबका प्रशिक्षक गंगाराम देउजालाई उत्कृष्ट प्रशिक्षकको पुरस्कार प्रदान गरिएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच