सुवेदी नेतृत्वको संयुक्त जनआन्दोलन समितिले चैत २१ गतेबाट सशक्त जनआन्दोलन गर्ने

पूर्वराजा शाहले पनि बढाए सक्रियता

हिमालय टाइम्स

१४ चैत्र २०८१, बिहिबार १५:४२

Read Time = 2 mins

डिजिटल संस्करण

समाचार

A A- A+

काठमाडौं । नवराज सुवेदी नेतृत्वको संयुक्त जनआन्दोलन समितिले चैत २१ गतेबाट सशक्त जनआन्दोलन गर्ने घोषणा गरेको छ ।

राजसंस्था पुनर्स्थापनाका लागि संयुक्त जनआन्दोलन समितिले आज पत्रकार सम्मेलन गर्दै यो घोषणा गरेको हो ।

यस्तै समितिका संयोजक सुवेदीले २०४७ सालको संविधानमा टेकेर नवीन समझदारीमा आउन दलहरूलाई आह्वान समेत गर्नुभयो ।

यदि हाम्रो शान्तिपूर्ण आन्दोलनलाई बेवास्ता गरेमा त्यसबाट सिर्जित हुने परिस्थितिको जिम्मेवार सरकार र गणतन्त्रवादी दलहरू हुने उहाँले बताउनु भयो ।

संयुक्त जनआन्दोलन समितिले चैत १५ गते राजसंस्था र हिन्दु राष्ट्रको पक्षमा जनप्रदर्शन गर्दैछन् ।

राजावादीहरुको शक्ति प्रदर्शनको अघिल्लो दिन पूर्वराजा ज्ञानेन्द्र शाहले पनि सकृयता बढाएका छन् ।

राजावादीहरुको शक्ति प्रदर्शनको अघिल्लो दिन पूर्व राजा ज्ञानेन्द्र शाहले पनि सकृयता बढाउनु भएको छ । समाचार स्रोतका अनुसार आज पूर्वराजा शाहसँग मेडिकल व्यवसायी दुर्गा प्रसाईँलगायतले भेटवार्ता गरेका छन् ।

प्रसाईंले ‘राजसंस्था पुनर्स्थापनाका लागि संयुक्त जनआन्दोलन समिति’को पत्रकार सम्मेलनअघि निर्मल निवासमा पुगेर पूर्वराजालाई भेट्नुभएको हो ।

राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजकसमेत रहनुभएका प्रसाईँले भोलि राजसंस्था र हिन्दु राष्ट्रको पक्षमा जनप्रदर्शन गर्ने हुनु भएको छ ।

यस्तै संयुक्त जनआन्दोलन समिति संयोजक नवराज सुवेदीले बुधबार निर्मल निवासमा पुगेर पूर्वराजा ज्ञानेन्द्रसँग दर्शन भेट गर्नुभएको थियो ।

सरोकार

यो खबर पढेर तपाईलाई कस्तो महसुस भयो ?