वनविज्ञान अध्ययन संस्थानका विद्यार्थीको पुनर्मिलन कार्यक्रम

मन्जिता मैनाली मकवानपुर, संवाददाता

१६ चैत्र २०८१, शनिबार १८:१७

Read Time = 2 mins

डिजिटल संस्करण

प्रदेश समाचार

बागमती प्रदेश

A A- A+

हेटौंडा। वनविज्ञान अध्ययन संस्थान हेटौंडाको वर्ष २०३५/०३७ ब्याचमा अध्ययन गरेका विद्यार्थी समूहको भेटघाट तथा पुनर्मिलन कार्यक्रम भएको छ । हेटौंडा–१० स्थित वनविज्ञानमा अध्ययन संस्थानमा शनिबार नेपालभरका तत्कालीन ४० विद्यार्थीको उपस्थितिमा कार्यक्रम भएको हो ।

भेटघाटमा स्थानीय २ जना थिए । बाँकी सबै बाहिरी जिल्ला घर भएकाहरुको उपस्थिति थियो । उत्तम कटुवालको संयोजकत्वमा भएको कार्यक्रममा राकेश कर्नर, जीवन गुरुङ र अरुण कर्नर, वसन्त शर्माको सहयोग थियो । ४४ वर्षपछि भेटघाट गर्न सामाजिकसञ्जालले सहयोग गरेको संयोजक कटुवालले बताउनु भयाे । रमाइलो जमघटमा धरान र बिराटनगरदेखि झापासम्मका विद्यार्थी उपस्थित थिए । पढाउने शिक्षक ४ जना अझै रहेको र आफूहरुको सम्पर्कमा रहेको उहाँहरुले सुनाउनुभयो । वनविज्ञान अध्ययन संस्थान प्रमुख शिवकुमार माञ्जन र मकवानपुर वन डिभिजन कार्यालय प्रमुख राकेशप्रसाद चन्द्रवंशी पनि कार्यक्रममा उपस्थित हुनुहुन्थ्यो ।

उक्त क्याम्पसका अध्ययन गरेका ४१ जना वन मन्त्रालयअन्तर्गत् विभिन्न प्राविधिक पदमा सेवा गरी सेवानिवृत्त भइसकेका छन् । भेटघाटमात्र नभएर नयाँ पुस्तालाई सन्देश दिन खोजिएको कटुवालले बताउनु भयाे । उहाँले भन्नुभयाे, जहाँ छौं, वनसंग संवेदनशील छौं । त्यही दर्शाउन पनि यहाँ आएको छौं । त्यस बेला शिक्षाको निकै महत्व थियो ।'

उक्त ब्याचमा १ सय २० जना अध्ययनरत्‌मध्ये १६ जनाको निधन भइसकेको छ ।

सरोकार

यो खबर पढेर तपाईलाई कस्तो महसुस भयो ?