काठमाडौं । लेडी र्यापर मञ्जली तामाङले आफ्नो नयाँ गीत ‘गरिबलाई कानुन’ सार्वजनिक गर्नुभएको छ । सामाजिक न्याय, कानुनी विभेद र गरिबीको वास्तविकता उजागर गर्ने उद्देश्यले तयार पारिएको यो गीतले दर्शक र श्रोताहरूको मन जित्न सफल भएको छ । गीतलाई मञ्जली तामाङ-लेडी र्यापर अफिसियल युट्युब च्यानलमार्फत सार्वजनिक गरिएको हो । रिलिज भएलगत्तै गीतले सामाजिक सञ्जालमा ट्रेन्ड गर्न थालेको छ । श्रोताहरूले गीतको सशक्त शब्द, दमदार र्याप, र प्रभावशाली म्युजिक भिडियोलाई प्रशंसा गरिरहेका छन् ।
गीतको शब्द र संगीत पत्रकार विवेक लोप्चनले तयार पार्नुभएको हो । गीतमा सुस्मिता स्याङ्तान र कोशिस थोकरको सशक्त गायन छ । त्यस्तै मन्जली तामाङ (लेडी र्यापर), निमा लामा र निमा लामा (र्याप स्टार)ले र्याप सेग्मेन्टमा आफ्नो उत्कृष्ट प्रस्तुति दिनुभएको छ । उनीहरूको दमदार र्याप डेलिभरीले गीतलाई झनै प्रभावशाली बनाएको छ ।
गीतको एरेञ्ज तथा मिक्सिङ जीवन बडुले गर्नुभएको छ । गीतको भिडियोलाई अमिर दोंगले निर्देशन तथा सम्पादन गर्नुभएको छ भने छायांकन त्रिलोक लामाले गर्नुभएको छ । भिडियोले गीतको भावनालाई अझै गहिरो रूपमा दर्शाउने प्रयास गरेको छ । भिडियोमा हास्य कलाकार कुइसांग रुम्बा, मांगले तामाङ, मिलन तामाङ, राजु मगर, बि टु भाइ, दिपेश एस के र अरुणको दमदार अभिनय देख्न सकिन्छ । उनीहरूको भूमिकाले भिडियोमा यथार्थपरक प्रभाव पार्न सफल भएको छ ।
सार्वजनिक भएसँगै गीतले युट्युबमा उच्च प्रतिक्रिया पाइरहेको छ । पहिलो दिनमै हजारौं भ्यूज, लाइक्स, र सकारात्मक कमेन्टहरू बटुल्दै, गीतले चर्चा पाएको छ । श्रोताहरूले गीतको लय, शब्द र भिडियोको उच्च गुणस्तरलाई खुलेर प्रशंसा गरिरहेका छन् । गीतमा उठाइएको सामाजिक विषयवस्तु गम्भीर भएको हुँदा, धेरै दर्शकहरूले यसलाई नेपाली कानुनी प्रणालीको यथार्थ प्रतिबिम्ब भनेका छन् । गीत सार्वजनिक भएसँगै लेडी र्यापर मञ्जलि तामाङले सामाजिक सञ्जालमार्फत आफ्ना दर्शक तथा श्रोताहरूलाई धन्यवाद दिनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच