काठमाडौं – एएफसी एसियन कप फुटबलमा साउदी अरेबियाले जित हात पारेको । गएराति कतारमा भएको समूह एफको खेलमा साउदी अरेबियाले ओमानलाई २–१ गोलले हराएको हो ।
साउदीका लागि अब्दुलरहमान घरिबले र अलि अलबुलाहीले गोल गरे । खेलमा ओमानले सुरुवाती अग्रता लिएको थियो । खेलको १४ औं मिनेटमा साउदीको खराब कर्नर पछिको काउन्टरमा हसन अलतम्बाक्टीले मुहसेन अल घसानीलाई बक्समा लडाएपछि ओमानले पेनाल्टी पाएको थियो । उक्त पेनाल्टीलाई सदूपयोग गर्दै सलाह अल याहयैले गोल गरेका थिए ।
पहिलो हाफमा एक गोलले पछि परेको साउदीले दोस्रो हाफमा उत्कृष्ट कमब्याक गर्यो । खेलको ७८औं मिनेटमा अब्दुलरहमान घरिबले साउदीका लागि गोल गरे । खेलको इन्ज्युरी समयको छैठौं मिनेटमा अलि अलबुलाहीले हेडर मार्फत गोल गरेपछि खेल साउदीको पक्षमा गएको हो ।
समूह ‘एफ’मा साउदी र थाइल्यान्डको समान ३ अंक छ । साउदी र ओमानको खेलसँगै एसियन कपमा पहिलो चरणका खेल सकिएको छन् ।
बुधबार समूह ए का २ खेल हुँदैछन् । साँझ ५ः१५ बजे लेबनान र चीन तथा साँझ ८ः१५ बजे हुने घरेलु टोली कतार र ताजिकिस्तानबीच खेल हुनेछ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच