काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले राष्ट्रिय स्वतन्त्र पार्टीलाई विचार नभएको पार्टीका रुपमा चित्रण गर्नुभएको छ ।
मंगलवार पार्टी केन्द्रिय कार्यालय च्यासलमा आयोजित वागमती प्रदेश कमिटीको बैठकलाई सम्बोधन गर्दै उहाँले नयाँ पार्टी कुनै विचार नभएको पार्टी भएको बताउनुभएको हो । उहाँले विचारमा कुनै नयाँपन नरहेको बरु आफ्नो पार्टी नेकपा एमालेले गरेका कामहरु चोरी गर्ने काममा लागेको बताउनु भयो । उहाँले चित्रकलाको प्रतिष्पर्धालाई उदाहरण बनाउँदै उहाँले नयाँ भनिएकाहरु प्रतिष्पर्धामा आएको तर क्यान्भास खालि रहेको बताउनु भयो । उहाँले नयाँ पार्टीहरुलाई आफ्नो चित्र (विचार) माग्दा पुरानाहरु छोडिदिन र नयाँ चित्र बनाउँछौ मात्रै भन्ने गरेको तर चित्र के बनाउने भन्ने नै अनविज्ञ रहेको बताउनु भयो । अध्यक्ष ओलीले नयाँ पार्टीका प्रतिवद्धताहरु पनि उस्तै रहेको बताउनु भयो । पुराना पार्टीहरुको विचार हेरेर नयाँ कोर्ने प्रयास गरिरहेको पनि बताउनु भयो ।
उहाँले भन्नुभयो, ‘नयाँ पार्टी विचारले नयाँ छैन । विचारमा केही पनि छैन । चित्रकलाको प्रतिष्पर्धात्मक चित्रकलामा प्रतिष्पर्धा गर्न उनीहरु आएका छन् । क्यान्भास खालि छ । खोई त तिमीहरुको चित्र भन्दा यि पुराना चित्रहरुको कुरा छोडिदिऔँ, हामीले नयाँ चित्र बनाउँछौँ । के बनाउँछन् ? थाहा छैन, नयाँ चित्र बनाउँछौँ, क्यान्भास खालि छ । उनीहरुका प्रतिवद्धताहरु त्यस्तै हुन् । यि सबैका यि थोत्रा चित्रहरु भन्दा, यि पुराना चित्रकारहरु भन्दा, यिनीहरुको चित्र शैली भन्दा नयाँ हुनेछ । के हुन्छ त ? बाबुनानी हो ? त्यो त बनाएपछि हेर्नुहोला पछि । अहिले हामीलाई भोट दिनुस् । हामी यि पुराना जस्तो होइन, क्यान्भास यत्तिकै खालि राखेको होइन । हामीले नजानेर होइन, नबनाएको हो । भनिदिनलाई त, गुलिया, मिठा, उल्टापाल्टा कुराहरु गर्दछन्, केही पनि छैन, क्यान्भासमा । नयाँहरु हाम्रो चित्रहरु हेरेर रङ कसरी प्रयोग गरिन्छ, रङ संयोजना कसरी हुन्छ, हेर्न खोज्दैछन् । हामी सोध्छौँ, चित्र कस्तो लागिरहेको छ, चित्र ठिक छैन, तर उनीहरु चित्र हेरिरहेको हुन्छन्, कसरी बनाउने, कसरी कोर्ने, त्यही सिक्न खोजेका छन्, तर हाउभाउ बिगार्छन् ।’
उहाँले नेपाली काँग्रेसलाई थोत्रो पार्टीको रुपमा चित्रण गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच