झापा । इलाम क्षेत्र नम्बर २ मा राष्ट्रिय स्वतन्त्र पार्टीबाट उम्मेदवार रहेका मिलन लिम्बुलाई स्पष्टीकरण सोध्न निर्वाचन आयोगले निर्देशन दिएको छ ।
शनिबार भएको उपनिर्वाचनमा मतदान गर्ने क्रममा लिम्बुले आफ्नो दलको चुनाव चिन्हको ‘ब्याज’ लगाएर मतदान गरेको फोटो बाहिरिएपछि लिम्बुले आचारसंहिता उल्लङ्घन गरेको भन्दै आयोगले मुख्य निर्वाचन अधिकृतको कार्यालयलाई स्पष्टीकरण सोध्न भनेको हो ।
प्रमुख निर्वाचन आयुक्त दिनेश थपलियाले आचारसंहिता उल्लंघन भएको बताउदै भन्नुभयो, "इलाम- २ मा रास्वपाका उम्मेद्वार मिलन लिम्बुबाट आचारसंहिता उल्लंघन भएको देखियो, स्पष्टीकरण सोध्छौं, चित्तबुझ्दो जवाफ नआए कारबाही गर्छौं ।"
उहाँले मतदान गर्दा पार्टीको चुनाव चिन्ह घण्टी अंकित व्याच लगाएर मतदान गर्दै निर्वाचन आचारसंहिताको बर्खिलाप गर्नु भएको थियो।
माङसेबुङ २ स्थयी घर भएका लिम्बूले माङसेबुङ २ दहगाउँस्थित जनता कल्याण आविमा मतदान स्थलको (ख) केन्द्रबाट पहिलो बिहान ८ बझ्नु अगावै मतदान गर्नु भएका उहाँले लगाएको कोटमाथि घण्टी चिन्ह अंकित व्याच स्पष्ट देखिएको थियो । जुन व्याचको रंग रास्वपाको झण्डाको रंगसँग समेत मिल्दो थियो।
निर्वाचन आचारसंहितामा स्पष्ट लेखिएको छ,'मतदान केन्द्रमा कुनै राजनीति दल वा उम्मेदवारको पहिचान देखिने एकै किसिमको सांकेतिक पोसाक, चिजबस्तु ल्याउन बोक्न वा देखाउन नहुने ।'
त्यसैगरी आचारसंहिताको अर्को बुँदामा 'मतदान केन्द्रमा राजनीतिक दल वा उम्मेदवारीको प्रतिनिधिले निर्वाचन चिन्ह वा मत संकेत भएको पहिरन वा व्याच लगाउन नहुने' लेखिएको छ ।
तर उम्मेदवार लिम्बु स्वयंले स्पष्ट देखिने गरी चुनाव चिन्ह अंकित व्याच लगाएर मतदान गर्दै निर्वाचन आचारसंहिताको उल्लंघन गरेपछि स्पष्टीकरण मागिने भएकाे हाे ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच