जुम्ला । जुम्लाको हिमा गाउँपालिकाले संचार नीति ल्याउने भएको छ । आउने असार १० गते संचालन हुने १६ औँ गाउँसभाबाट संचार नीति ल्याउने गाउँपालिकाले तयारी थालेको हो ।
जुम्लाका स्थानीय संचारलाई राहतका लागि र आम जनतासम्म सत्यतथ्य सुचना प्रवाह गर्नेका लागि गाउँपालिकाले संचार नीति ल्याउने तयारी गरेको हिमा गाउँपालिका अध्यक्ष लक्ष्मणबहादुर शाहीले बताउनुभयो ।
नेपाल सरकारले संविधानमा व्यवस्था गरे अनुसार स्थानीय सरकार संचालन ऐन, २०७४ मा व्यवस्थाभए बमोजिम संचार नीति ल्याउने गाउँ कार्यापालिकाबाट निर्णय भएको छ । स्थानीय तथा राष्ट्रिय संचार माध्यमलाई थप व्यवस्थित र मर्यादित गर्नको लागि आगामी आर्थिक वर्ष २०८१।०८२ को १६ औँ गाउँसभाबाट स्वीकृतहुने गरी संचार नीति ल्याउने निर्णय भएको गाउँपालिका अध्यक्ष शाहीको भनाइ छ ।
संचार नीति तयार गर्नको लागि तीन सदस्य समिति समेत गाउँपालिको तोकेको छ । समितिको संयोजकमा रतनवहादुर रावत, सदस्यमा नरसिंह थापा र विरेन्द्र वहादुर बम रहनुभएको छ ।
संचार नीति गाउँसभाबाट पारित भइसकेपछि कार्यविधि बनाई संचार माध्यमको वर्गीकरण गरी सूचना तथा सन्देश प्रशारण एवं प्रकाशनको काम गरिने भएको छ । संचार नीति पारित भई कार्यान्वय आए यहाँका विशेषगरी स्थानीय मिडियालाई सूचना प्रशारण तथा प्रकाशन गर्न सहजहुने हिमा गाउँपालिकाले जनाएको छ ।
संचार नीतिलाई प्रथामिकतामा राखेर गाउँसभाबाट पारित भएमा जिल्लाका स्थानीय मिडियाको विकासका लागि निकै टेवा पुग्ने रेडियो खुला आकाश जुम्लाका स्टेशन प्रबन्धक भिम कंसिगरले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच