नवलपरासी । पश्चिम नवलपरासीमा रहेको करदाता सेवा कार्यालयले आर्थिक वर्ष २०८०/०८१ मा एक अर्ब पाँच करोड ५३ लाख २३ हजार तीन सय ४० रुपैयाँ राजस्व संकलन गरेको छ । एक अर्ब २२ करोड ५० लाख लक्ष्य रहेको कार्यालयले लक्ष्यको ८६ प्रतिशत राजस्व संकलन गरेको कार्यालय प्रमुख राजेन्द्र शाहले जानकारी दिनुभयो ।
गत आर्थिक वर्षमा ९७ करोड आठ लाख १३ हजार एक सय ३० राजस्व संकलन गरेको थियो । गत वर्षभन्दा यस वर्ष ८.७ प्रतिशतले राजस्व संकलन बढेको छ । आर्थिक वर्ष ०७९/८० मा आय करबापत ५३ करोड ५४ हजार दुई सय ३० संकलन गरेकोमा ०८०/८१ मा ५६ करोड ३१ लाख ९७ हजार सात सय ५० संकलन गरेको छ । जुन ५.६ प्रतिशतले वृद्धि भएको छ । आर्थिक वर्ष ०७९/८० मा भ्याटबापत ३७ करोड लाख ९३ हजार तीन सय ८० संकलन गरेकोमा ०८०/८१ मा ४० करोड ६५ लाख ४० हजार छ सय ७० रुपैयाँ संकलन गरेको शाहले जानकारी दिनुभयो । जुन गत वर्षभन्दा ८.१ प्रतिशतले वृद्धि भएको देखिन्छ ।
आर्थिक वर्ष ०७९/८० मा अन्तःशुल्कबापत छ करोड ८६ लाख ६५ हजार दुई सय २० संकलन गरेकोमा ०८०/८१ मा आठ करोड ५५ लाख ८४ हजार नौ सय २० संकलन गरेको छ । जसमा गत वर्षभन्दा २५ प्रतिशतले वृद्धि भएको छ । करदाता सेवा कार्यालयले सबैभन्दा धेरै राजस्व आयकरबाट संकलन गरेको छ । करदाता सेवा कार्यालयले नवलपरासीमा रहेका चार गाउँपालिका र तीन नगरपालिका गरी सातै पालिकाबासीलाई सेवा लिन सहज भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच