काठमाडौं । नेपाल उद्योग परिसंघ (सिएनआई) युवा उद्यमी मञ्चले लुम्बिनी प्रदेश च्याप्टर गठन गरेको छ । प्रदेश च्याप्टरको भैरहवामा आयोजित विशेष समारोहबीच उपप्रधानमन्त्री एवं अर्थमन्त्री विष्णुप्रसाद पौडेलले शुभारम्भ गर्दै उत्पादन र उत्पादकत्व बढाउने काममा सिएनआईले महत्वपूर्ण भूमिका निर्वाह गरेको बताउनुभयो । उहाँले गतिशील समय र तीव्र प्रतिस्पर्धाको दुनियाँमा समयको गति बुझ्न, प्रतिस्पर्धामा आफ्नो स्थान सुरक्षित राख्ने गरी अघि बढ्न युवा उद्यमीहरूलाई सुझाव दिनुभयो । सरकार सम्पूर्णरूपमा उद्यमीहरूका साथमा रहेको भन्दै मन्त्री पौडेलले देश हामीले बनाउने हो, हामीले बनाउँछौं भन्ने सन्देश युवाहरूमा पुर्याउन उद्यमीहरूलाई आग्रहसमेत गर्नुभयो ।
उहाँले औसत काम गरेर बस्ने सुविधा सरकारलाई नभएको भन्दै सरकारले कानुन र नीतिमा सुधार गरेर सुधारको काम गरेको बताउनुभयो । सरकारले विगतदेखिका समस्या समाधान गर्न, निजी क्षेत्रका समस्या समाधान गर्न उच्च प्राथमिकतामा राखेर काम गरिरहेको र हाल सुधार गरिएको कानुनमा सुधारमात्रै रहेको उहाँको भनाइ थियो ।
सिएनआई अध्यक्ष राजेशकुमार अग्रवालले युवालाई उद्यमशील बनाउन नीतिबाटै सहजीकरण, प्रोत्साहनमा जोड दिँदै देशमा रोजगारी बढाउन, औद्योगीकरणको विकास गर्दै समग्र आर्थिक विकासका लागि युवा उद्यमीलाई प्रोत्साहन, प्रेरणा, हौसला दिन आवश्यक रहेको बताउनुभयो । आगामी बजेटमार्फत् युवालक्षित कार्यक्रम ल्याउनसमेत उहाँले आग्रह गर्नुभयो । अध्यक्ष अग्रवालले भन्नुभयो, ‘विदेशमा अध्ययन गरेर आफ्नै देशमा केही गर्नुपर्छ भनेर आउने युवा संख्या ठूलो छ । उनीहरूलाई देशमै उद्यमी बनाउन हौसला प्रदान गर्न आवश्यक छ । सरकारले आगामी बजेटमार्फत् युवालाई प्रोत्साहन गर्ने नीति लिने विश्वास लिएको छु ।’
उद्योग, वाणिज्य तथा आपूर्ति मन्त्रालयका सचिव कृष्णबहादुर राउतले कानुन संशोधन, स्टार्टअप नीति निर्माणमा सिएनआई र युवा उद्यमी मञ्चले महत्वपूर्ण योगदान गरेको भन्दै सरकारले युवालाई उच्च प्राथमिकतामा राख्दै सोहीअनुरूप नीति बनाएको र बनाउने क्रममा रहेको बताउनुभयो ।
सिएनआई लुम्बिनी प्रदेश अध्यक्ष एजाज आलमले युवा पलायनता बढिरहेका बेलामा देशभित्रै केही गर्नुपर्छ भनेर यहीँ उद्यमी बन्ने युवालाई धन्यवाद दिँदै उद्योग व्यवसाय ओरालो लागिरहेको, निराशा बढिरहेको र थोरै भए पनि उद्योगी व्यवसायीसमेत पलायन हुने अवस्था सिर्जना हुनु निकै चिन्ताको विषय रहेको बताउनुभयो । सिएनआई युवा उद्यमी मञ्चका अध्यक्ष आशिष अग्रवालले लुम्बिनी प्रदेशको आर्थिक विकाससँगै देशलाई नै समृद्ध बनाउन सक्ने भन्दै युवालाई प्रोत्साहनको खाँचो रहेको बताउनुभयो । उहाँले मञ्चमार्फत् नयाँ अवसर खोज्दै उद्यमशीलतामा नयाँपन ल्याउँदै देशको आर्थिक विकासमा योगदान पुर्याउने संकल्पसाथ युवाहरू अघि बढ्न चाहेको बताउनुभयो ।
युवा उद्यमी मञ्च लुम्बिनी च्याप्टरका अध्यक्ष राजन कसजूले स्थानीय मौलिकतामा आधारित रही राष्ट्र निर्माणमा समर्पित भई विश्व दृष्टिकोणका साथ अघि बढ्ने प्रतिबद्धता व्यक्त गर्नुभयो । युवा उद्यमी मञ्च लुम्बिनी प्रदेश च्याप्टरको बोर्डमा राजन कसजूसँगै विकास पाण्डे, अभिषेक पाठक, अर्जुन पाठक, रोनिश श्रेष्ठ, सुरज उप्रेती, विवेक कसौधन, अभिनव थापा रहनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच