यांगुन । म्यानमारको सैन्य सरकारले बेलायतका पूर्वराजदूत, जापानी फिल्म निर्माता र देशका अपदस्थ नेताका एक अष्ट्रेलियाली सल्लाहकार सहित ६,००० बन्दीहरूलाई रिहा गर्ने भएको छ।
पूर्वकूटनीतिज्ञ विक्की बोमन र टोरु कुबोटालाई यस वर्षको सुरुमा जेल पठाइएको थियो भने सन टर्नेललाई २०२१ को विद्रोहको लगत्तै हिरासतमा राखिएको थियो । म्यानमारको राष्ट्रिय दिवस मनाउनका लागि माफी दिइएको सेनाको जुन्ता सरकारले जनाएको छ ।
सेनाले सत्ता कब्जा गरेदेखि १६ हजारभन्दा बढी व्यक्तिलाई पक्राउ गरेको छ ।
सेनाले सन् २०२१ को फेब्रुवरीमा लोकतान्त्रिक रूपमा निर्वाचित आङ सान सुकीको सरकारलाई अपदस्त गरेको थियो । त्यसपछि देशभर ठूलो विरोध र व्यापक प्रतिरोध आन्दोलन सुरु छ ।
बोमनले सन् २००२ र २००६ को बीचमा म्यानमारका लागि बेलायतको राजदूतको रूपमा काम गरेकी थिइन । गिरफ्तारीको समयमा उनले यांगुनमा रहेको म्यान्मार सेन्टर फर रेस्पोन्सिबल बिजनेस (एमसीआरबी) चलाइरहेकी थिइन् ।
धाराप्रवाह वक्ता उनी म्यानमारको सानो अन्तर्राष्ट्रिय समुदायको एक प्रसिद्ध सदस्य हुन् । उनका पति हेइन लिन पूर्व राजनीतिक बन्दी हुन् ।
शान राज्यमा रहेको घरबाट सहर फर्किएपछि दम्पतीलाई पक्राउ गरिएको थियो । सैन्य अधिकारीहरूले उनीहरू दुवैलाई फरक स्थानमा बस्ने भनेर दर्ता गर्न असफल भएको आरोप लगाएका छन् ।
त्यस्तै टर्नेललाई सन् २०१२ को फेब्रुवरीमा यांगुनमा हिरासतमा राखिएको थियो । सेनाले कू शुरू गरेपछि उनलाई तीन वर्षको लागि जेल सजाय तोकिएको थियो । एजेन्सी
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच