काठमाडौं । ‘ए मेरो हजुर’ का पछिल्ला तीन शृंखलामा लैंगिक अल्पसंख्यकलाई मजाकको विषय बनाएकोप्रति अभिनेत्री सुहाना थापाले माफी माग्नुभएको छ । उहाँले इन्स्टाग्राम र फेसबुक स्टोरीमा लैंगिक अल्पसंख्यकलाई लामो पत्र लेख्दै ‘ए मेरो हजुर-२’ र ‘ए मेरो हजुर-३’ मा लैंगिक अल्पसंख्यकलाई मजाकको विषय बनाउने आफूहरूको उद्देश्य नभएको भए पनि अन्जानमा त्यस्तो हुन गएकोमा माफी माग्नुभएको हो ।
उहाँले लेख्नुभएको छ, ‘लैंगिक अल्पसंख्यकलाई सुन्ने र संरक्षण गर्नुपर्ने दायित्वबाट चुकेकोमा म र मेरो टिमको तर्फबाट माफी चाहन्छु । लैंगिक अल्पसंख्यक शिवपार्वतीको रूप हो भन्ने हाम्रो विश्वासका कारण पनि हामीले चलचित्रमा यस्ता चरित्रलाई स्थान दिँदै आएका हौँ । यो कुरामा हामी चुकेका छौँ । तर, आगामी दिनमा सच्याउने छौँ ।’
‘ए मेरो हजुर-२’ र ‘ए मेरो हजुर-३’ मा समलिंगी पात्रलाई चित्रण गरिएको छ । चलचित्रमा उक्त समुदायलाई असंवेदनशील तरिकाले प्रस्तुत गरिएको भन्दै आलोचना हुँदै आएको थियो ।
अभिनेत्री सुहाना थापा अभिनित चलचित्र ‘ए मेरो हजुर-४’ प्रदर्शनरत छ । झरना थापाले निर्देशन गरेको चलचित्रमा सुहानासँगै अनमोल केसी र सलोन बस्नेत मुख्य भूमिकामा हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच