बोयामा भएको आगलागीमा एक बालिकाको मृत्यु, करिव तीन करोड बरावरको क्षति

Read Time = 2 mins
A A- A+

भोजपुर । भोजपुरको षडानन्द नगरपालिका वडा नम्वर १४, बोयाको बिहिबारे बजारमा बिहिवार बेलुका लागेको आगलागीबाट करिव तीन करोड बरावरको क्षति भएको छ ।

आगलागीबाट अढाई बर्षकी रेश्मा तामाङको मृत्यु भएको थियो भने चार घर जलेर नष्ट भएको छ । बेलुका ७ बजे स्थानीय खेममणी तामाङको ढुंगा माटोले बनेको टिनको छानो भएको २ तले घरबाट सुरु भएको आगोलागीबाट करिव २ करोड ६० लाख २३ हजार बरावरको क्षति भएको जिल्ला प्रहरी कार्यालय भोजपुरले जनाएको छ ।

आगोलागीमा परी मृतक बालिकाका बाबु खेममणी तामाङ र आमा मिना तामाङ समेत घाइते भएकाले उनीहरुलाई थप उपचारका लागि बिपी कोइराला स्वास्थ्य बिज्ञान प्रतिष्ठान धरान पठाइएको छ । उक्त आगो स्थानीयवासी र सुरक्षाकर्मीको सहयोगमा राती नियन्त्रणमा आएको थियो ।

आगलागीबाट खेममणी, र अर्जुन तामाङको २ वटा घर र घरमा भएको किराना पसल तथा कपडा पसल समेत पुर्णरुपमा जलेर नष्ट भएको छ । घटनाका बिषयमा थप अनुसन्धान तथा कानुनी प्रकृया भईरहेको जिल्ला प्रहरी कार्यालय भोजपुरले जनाएको छ ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?