काठमाडौं । वैवाहिक जीवनमा प्रजनन् क्षमताले निकै महत्व राख्छ । स्वस्थ सन्तान उत्पादनका लागि पुरुष र महिला दुवै प्रजनन्का हिसाबले स्वस्थ हुनुपर्छ । तर, त्यसका लागि उनीहरू उर्वर हुनु आवश्यक छ । यस्तो उर्वरता उनीहरूको खानपिन र जीवन शैलीमा पनि भरपर्छ ।
पछिल्लो समय हाम्रो खानपान र वरपरको वातावरणले गर्दा पुरुषहरूमा प्रजनन् क्षमतामा कमी हुँदै गएको विभिन्न अध्ययनबाट पुष्टि हुन आएको छ । यस्तोमा हामीले हाम्रो खानेबानी र जीवन शैलीमा परिवर्तन ल्याउन जरुरी छ । विज्ञहरूका अनुसार केही खानेकुराले पुरुषको प्रजनन् क्षमता बढाउनमा महत्वपूर्ण योगदान गर्दछन् । आफ्नो शरीरलाई स्वस्थ राख्नुका साथै प्रजनन् क्षमताका लागि पुरुषले आफ्नो आहारमा ध्यान पुर्याउनुपर्दछ ।
नियमितरूपमा स्वच्छ र सन्तुलित फलफूल उपभोग गरेर पनि पुरुषको यौन क्षमता बढाउन सकिन्छ । भिटामिन ‘ए’ र ‘बी वान’ युक्त केरा, अनार, आँप, स्ट्रबेरीलगायत मौसमी फलफूलले मानिसलाई स्वस्थ बनाउनुका साथै यौन क्षमता पनि तीव्र बनाउँछ ।
यस्तै ब्रोकाउली, स्याउ, किवी, केरा, अण्डा, तरबुजा, अनार, पालुंगो जस्ता खाद्यवस्तुले प्रजनन् क्षमतालाई कायम राखिराख्ने विभिन्न अनुसन्धानबाट पुष्टि भएको बताइन्छ ।
यस्तै तनावरहित हुने, चिल्लो कम खाने, एभोकार्डाे, बदाम, स्ट्रबेरी, कुरिलो, खरबुजालगायत यौनवद्र्धक खानेकुरामध्ये कुनै एक अथवा एकभन्दा बढीलाई दिनहुँ खाने गरेमा तपाईंलाई स्वस्थ यौन जीवन प्राप्त हुन्छ । त्यस्तै नियमित व्यायाम गर्ने र आफ्नो स्वास्थ्यबारे सचेत हुन जरुरी छ । अमेरिकाको स्ट्यानफोर्ड हस्पिटल एन्ड क्लिनिकको महिला यौन उपचार संकायका वरिष्ठ डाक्टर लिह मिलहेइजरका अनुसार माथि उल्लिखित जीवनशैली अपनाउँदा पनि यौन क्षमता बढेन भने चिकित्सकको परामर्श लिनुपर्छ । चिकित्सकको सल्लाहमा तपाईं आफ्नो जीवन सुखमय बनाउन सक्नुहुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच