मकवानपुरमा मतदानको लागि तयारी पूरा

Thursday May 12, 2022

Read Time = 2 mins

प्रदेश समाचार

A A- A+

-श्रीराम अर्जुन
हेटौंडा । बागमती प्रदेशको राजधानी मकवानपुरमा भोली हुने निर्वाचनको लागि आवश्यक तयारी पूरा भएको जनाएको छ ।

एक उपमहानगर, एक नगर सहित ८ वटा गाउँपालिका रहेको जिल्लामा ३५६ वटा मतदान केन्द्र र १६५ वटा मतदान स्थल रहेको मुख्य निर्वाचन अधिकृतको कार्यालयका सहायक निर्वाचन अधिकृत सागर शर्माले बताउनुभयो ।
जिल्लाको संवेदनशील मतदान केन्द्रहरुको मध्ये नजरगर्दै निर्वाचन सुरक्षा समितिले थप कडाईका साथ सुरक्षा परिचालन गरिएको उहाँले बताउनुभयो ।

दुई लाख ९४ हजार ९१९ मतदाता संख्या रहेको मकवानपुरमा मतगणना स्थलमा सिसी क्यामेरा,जाली र सुरक्षा कडाईका साथ गरिने उहाँले बताउनुभयो ।
उहाँले स्थानीय तह, सुरक्षा निकायको समन्वयमा मतदान स्थलमा घामपानीबाट मतदान बचाउन त्रिपालको समेत व्यवस्था गरिएको बताउनुभयो । सर्वदलीय बैठकपछि धेरैजसो स्थानीय तहमा भोलीबाटै मतगणना गरिने उहाँले बताउनुभयो ।

मतदान स्थलमा मतदान अधिकृतका साथै सुरक्षा निकायको टोली खटाइसकेको शर्माले बताउनुभयो ।

यो खबर पढेर तपाईलाई कस्तो महसुस भयो ?