नयाँदिल्ली । मानव जीवनका लागि खतरा बन्दै गएको छ प्रदूषण । प्रदूषण हाम्रो शरीरका लागि राम्रो होइन यो हामी सबैलाई थाहा छ । तर, पनि प्रदूषणका कारण हरेक वर्ष मृत्यु हुनेको संख्या बढ्दै गएको छ । एक नयाँ अनुसन्धानबाट थाहा लागेको छ कि विश्वस्तरमा नै हरेक वर्ष प्रदूषणका कारण ९० लाख मानिसको मृत्यु हुने गरेको छ ।
यसरी मृत्यु हुनेमा सबै प्रकारको प्रदूषण रहेको अध्ययनबाट पुष्टि भएको छ । यसमा गाडीहरू र उद्योगको दूषित हावाले मृत्यु हुनेको संख्या बढी छ । यसबाट सन् २००० पछि मृत्यु हुनेको संख्या ५५ प्रतिशतसम्म बढेको छ ।
द ल्यान्सेट प्लयानेटरी हेल्थ जर्नलमा प्रकाशित एक नयाँ खोजका अनुसार कुल प्रदूषणबाट हुने मृत्युको शीर्ष १०मा अमेरिका रहेको छ । आठौँ स्थानमा इथोपिया, सातौँ स्थानमा बंगलादेश छन् । भारत र चीन प्रदूषणका कारण हुने मृत्युमा सबैभन्दा अगाडि छन् । भारतमा हरेक वर्ष करिब २४ लाख र चीनमा २२ लाख मानिसको प्रदूषणका कारण मृत्यु हुने गर्दछ ।
यी दुई देशमा नै संसारको सबैभन्दा बढी जनसंख्या रहेको छ । अध्ययनमा भनिएको छ, प्रदूषणबाट संसारमा एक वर्षमा त्यतिकै मानिसको मृत्यु हुने गर्दछ जति मृत्यु चुरोटको सेवन गर्दा हुने गर्दछ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच