-गोविन्द बीसी
टीकापुर । स्थानीय तह निर्वाचन सम्पन्न भएसंगै राजनीतिक दलहरु जिल्ला समन्वय समितिको गठनको आन्तरिक कसरतमा जुटेका छन् । कैलालीमा जिल्ला समन्वय समितिको लागि रेशम चौधरीको नागरिक उन्मुक्ति पार्टी, नेकपा एमाले र नेकपा माओवादी केन्द्रबीच तालमेल हुने भएको छ । बिहीबार भएको तीन दलीय बैठकबाट जिल्ला समन्वय समिति बनाउने आपसी सहमति भएको हो ।
सहमति अनुसार नागरिक उन्मुक्तिले प्रमुख र दुई जना सदस्य गरी तीन जना, नेकपा एमालेले उपप्रमुखसहित एक सदस्य र नेकपा माओवादी केन्द्रले चार सदस्य पाउने सहमति भएको नेकपा एमाले कैलालीका सचिव डेजी पाण्डेयले जानकारी दिनुभयो ।
तीन दल मिल्दा कैलालीमा समन्वय समिति बनाउन बहुमत पुग्छ । कैलालीमा नागरिक उन्मुक्तिका सात जना, नेकपा एमालेका पाँच जना र माओवादी केन्द्रका चार जना प्रमुख उपप्रमुख छन् । कैलालीमा जिल्ला समन्वय समिति बनाउन १४ सदस्य चाहिन्छ । तीन दल मिल्दा कैलालीमा १६ सदस्य हुन्छ ।
यही जेठ ३० गते हुन लागेको जिल्ला समन्वय समितिको निर्वाचनका लागि तीन दलबीच सहमति भएको नेकपा माओवादी केन्द्रले समेत जनाएको छ । बैठकमा नागरिक उन्मुक्ति पार्टीको तर्फबाट केन्द्रीय प्रवक्ता दामोदर पण्डित, केन्द्रीय सदस्य रमेश विक, रामलाल थारु र लालवीर चौधरी हुनुहुन्थ्यो । यस्तै, नेकपा एमालेका तर्फबाट कैलाली उपाध्यक्ष दुर्गा जोशी, सचिव डेजी पाण्डेय, उपसचिव ममताप्रसाद चौधरी र लोकेन्द्र शाहीको उपस्थित थियो।
नेकपा माओवादी केन्द्रको तर्फबाट केन्द्रीय सदस्य तथा कैलाली इन्चार्ज हरि ज्ञवाली र प्रतिनिधि सभा निर्वाचन क्षेत्र नम्बर १ का संयोजक सुरेन्द्र देवकर सहभागि हुनुहुन्थ्यो ।
यस्तो छ, अंक गणित :
१३ पालिका रहेको कैलालीमा नेपाली कांग्रेसले तीन पालिकामा प्रमुख र पाँच पालिकामा उपप्रमुख जितेको छ । रेशम चौधरीको नागरिक उन्मुक्ति पार्टीले चार पालिकामा प्रमुख र तीन पालिकामा उपप्रमुख जितेको छ ।
नेकपा एमालेले दुई पालिकामा प्रमुख र तीन पालिकामा उपप्रमुख जितेको छ । त्यस्तै, नेकपा माओवादी केन्द्रले दुई प्रमुख र दुई उपप्रमुख जितेको छ । कैलालीमा स्वतन्त्र उम्मेदवारले एक पालिका प्रमुख र नेकपा (एकीकृत समाजवादी) ले एक पालिका प्रमुख जितेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच