तीतो सत्यका राजको सुनिशासँग बिहे

हिमालय टाइम्स
Read Time = 1 min
A A- A+

काठमाडौं । टेलिशृखंला ‘तीतो सत्य’ मा बाल कलाकारको भूमिका निर्वाह गर्नुभएका राज आचार्यले कलाकार सुनिशा बजगाईंसँग बिहे गर्नुभएको छ । कालोपुलस्थित शुवम् पार्टी प्यालेसमा परिवार र निकट आफन्तको उपस्थितिमा उहाँहरूको विवाह समारोह भएको हो । विवाहमा दीपकराज गिरी, दीपाश्री निरौला, निर्मल शर्मालगायत कलाकारको उपस्थिति रहेको थियो ।

राज र सुनिशा केही वर्षदेखि प्रेममा हुनुहुन्थ्यो । सुनिशाले चलचित्र ‘इन्टुमिन्टु लण्डनमा’, केही सर्ट फिल्म र म्युजिक भिडियोमा काम गरिसक्नु भएको छ । राज र सुनिशाले ‘नजिक आउन तिमी’ गीतको भिडियोमा समेत एकसाथ अभिनय गरिसक्नु भएको छ । बिहेमा पुग्नु भएका कलाकार तथा निर्देशक दीपाश्री निरौलाले बिहेका फोटोहरू फेसबुकमा हाल्दै बधाई तथा शुभकामना दिनुभएको छ ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?