काठमाडौं महानगरपालिका च्याम्पियन

Read Time = 2 mins
A A- A+

काठमाडौं । काठमाडौं महानगरपालिका ११औँ काठमाडौं जिल्लाव्यापी राष्ट्रपति रनिङ शिल्ड खेलकुदमा टिम च्याम्पियन बनेको छ । विभिन्न ६ खेल समावेश खेलकुदमा काठमाडौं १४ स्वर्ण, १० रजत र १४ कास्यसाथ समग्रमा टिम च्याम्पियन बनेको हो ।

काठमाडौं जिल्ला खेलकुद विकास समितिद्वारा आयोजित प्रतियोगितामा १० स्वर्ण, ११ रजत र ११ कास्यसहित गोकर्णेश्वर नगरपालिका दोस्रो भयो । तेस्रो स्थानको चन्द्रागिरि नगरपालिकाले १० स्वर्ण, १० रजत र १८ कास्य जित्यो । बुढानीलकण्ठ नगरपालिका सात स्वर्ण, सात रजत र ६ कास्य, शंखरापुर नगरपालिका ६ स्वर्ण, पाँच रजत र चार कास्य, नागार्जुन नगरपालिका तीन स्वर्ण, तीन रजत र चार कास्य तथा तारकेश्वर नगरपालिका १ स्वर्ण र एक रजत जित्दै क्रमशः चौथोदेखि सातौं स्थानमा रहे ।

विजेतालाई काठमाडौं जिल्ला खेलकुद विकास समितिका अध्यक्ष गणेशलाल कक्षपती, आयोजक समितिकी कार्यालय प्रमुख ज्योति राईलगायतले एक कार्यक्रमबीच पुरस्कृत गर्नुभयो । तीनदिने प्रतियोगितामा भलिबल, कबड्डी, एथलेटिक्स, कराँते, तेक्वान्दो र उसुमा प्रतिस्पर्धा भएको थियो ।

यो खबर पढेर तपाईलाई कस्तो महसुस भयो?

guest
0 Comments
Inline Feedbacks
View all comments

छुटाउनुभयो कि ?