-पुरन साह
जनकपुरधाम । मधेश प्रदेश सरकारले चालु आर्थिक वर्ष २०७८/७९ मा ६४.०४ प्रतिशत बजेट खर्च गरेको छ । प्रदेश लेखा नियन्त्रक कार्यालय जनकपुरधामका प्रमुख राधेश्याम गिरीका अनुसार चालु आर्थिक वर्षमा मधेश प्रदेश सरकारले ३४ अर्ब ८८ करोड ९८ लाख १० हजारमध्ये २२ अर्ब ३४ करोड १५ लाख खर्च गर्न सकेको छ ।
आर्थिक कार्यविधि नियमावली अनुसार शनिबार राति १२ बजेदेखि चालु आवको भुक्तानी निकासा बन्द गरिएका कारण केही मन्त्रालयको योजना सम्पन्न भए पनि करोडौँ रुपैयाँ भुक्तानी गर्न बाँकी छ । प्रदेश सरकारका विभिन्न मन्त्रालय, निकाय र कार्यालयबाट विनियोजित बजेटमध्ये चालुतर्फ १० अर्ब ४० करोड ४३ लख तथा पुँजीगततर्फ ११ अर्ब ९३ करोड ७२ हजार खर्च भएको गिरीले जानकारी दिनुभयो ।
उहाँले चालु आवमा मन्त्रालयतर्फ सबैभन्दा बढी सामाजिक विकास मन्त्रालयले ८०.०९ प्रतिशत र सबभन्दा कम महिला, बालबालिका युवा तथा खेलकुद मन्त्रालयले २६.९३ प्रतिशत मात्र खर्च गरेको जानकारी दिनुभयो । सरकारी निकायतर्फ प्रदेशसभाले ७८.४० प्रतिशत, प्रदेश लोक सेवा आयोगले ४८.२१, मुख्यन्यायाधिवक्ता कार्यालयले ९५.५० र प्रदेश नीति तथा योजना आयोगले २३.१४ प्रतिशत बजेट खर्च गरेको छ ।
मन्त्रालयतर्फ मुख्यमन्त्री तथा मन्त्रिपरिषद् कार्यालयले ३५.७४, अर्थ मन्त्रालयले २८.१८, उद्योग, पर्यटन तथा वन मन्त्रालयले ६६.५७, कानुन न्याय तथा प्रदेशसभा मामिला मन्त्रालयले ७६.९६, भूमि व्यवस्था, कृषि तथा सहकारी मन्त्रालयले ५२.०५ र खानेपानी तथा ऊर्जा विकास मन्त्रालयले ५२.८९ प्रतिशत खर्च गरेको छ ।
त्यसैगरी आन्तरिक मामिला तथा सञ्चार मन्त्रालयले ६६.४७, वाणिज्य, आपूर्ति तथा विज्ञान प्रविधि मन्त्रालयले ४६.५३, भौतिक पूर्वाधार विकास मन्त्रालयले ६२.१६ र स्थानीय तह पाएको शसर्त अनुदानतर्फ ९५.५ प्रतिशत बजेट खर्च भएको छ ।
आर्थिक कार्यविधि नियमावलीमा आव समाप्त हुनुभन्दा कम्तिमा एक साताअघि भुक्तानी निकासा बन्द गरी खर्च विवरण अद्यावधिक गर्नुपर्ने व्यवस्था छ । महालेखा नियन्त्रक कार्यालयले आइतबारदेखि प्रदेशको भुक्तानी प्रणाली बन्द गरिसकेको छ ।
फ्रिज नहुने शीर्षकका रकमको भुक्तानी निकासा भने बन्द गरिएको छैन । ती रकम सरकारको कोष मै रहनेछ । गत आवमा प्रदेश सरकारले ६५.४६ प्रतिशत बजेट खर्च गरेको थियो । अघिल्लो आर्थिक वर्षको भन्दा यस वर्ष कम बजेट खर्च भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच