काठमाडौं । आठौँ संस्करणको फर्निचर तथा फर्निसिङ एक्स्पो २०२२ भदौ अन्तिम साता आयोजना हुने भएको छ । कोरोनाका कारण पछिल्ला दुई वर्ष आयोजना हुन नसकेको एक्स्पो आगामी भदौ २३ देखि २७ गतेसम्म काठमाडौंको भृकुटीमण्डपमा आयोजना हुने भएको हो ।
नेपाल फर्निचर तथा फर्निसिङ संघको आयोजना तथा इभेन्ट सोलुसन प्रालिको व्यवस्थापनमा हुने एक्स्पोले चलायमान हुन खोजिरहेको अर्थतन्त्रमा टेवा पु¥याउने आयोजकको विश्वास छ । संघका अध्यक्ष शुभेन्द्र जोशीका अनुसार झण्डै डेढ वर्ष फर्निचरजन्य व्यवसाय ठप्पप्रायः अवस्थामा रहेर अहिले सामान्य अवस्थामा फर्किरहेको छ ।
यस्तो अवस्थामा एक्स्पोले व्यवसायी र उपभोक्तालाई उचित प्लेटफर्मको भूमिका निर्वाह गर्नेछ । एक्स्पोमा एक सय २० भन्दा बढी स्टल रहने बताइएको छ । किचन, बेडरूम, बाथरूमका साथै आउटडोर फर्निचर, इन्टेरियर डिजाइनर, कार्पेट, मार्बललगायत एक्स्पोका मुख्य आकर्षण रहने आयोजकको भनाइ छ ।
आयोजकका अनुसार एक्स्पोलाई प्रेस्टिज कार्पेटले मुख्य प्रायोजन गरेको छ भने भारत, बंगलादेश, पाकिस्तानलगायत मुलुकको सहभागिता रहनेछ । एक्स्पोको व्यवस्थापक इभेन्ट सोलुसन प्रालिले एक्स्पोका लागि बुकिङ खुला गरेको छ । साउन २३ गतेसम्ममा स्टल बुकिङ गर्नेलाई कुल लागतमा १० प्रतिशत छुटको व्यवस्था गरिएको इभेन्ट सोलुसनका प्रबन्ध निर्देशक विजयसागर प्रधानले बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच