काठमाडौं । नेपाली कला र स्रष्टाको सम्मान, नेपाली संस्कृति संरक्षण र प्रवद्र्धन हाम्रो अभियान भन्ने नाराका साथ चौथो सहारा एप सगरमाथा म्युजिक अवार्ड २०७९ हुने भएको छ । ज्योति विकास बैंकको प्रस्तुति रहेको अवार्डको चौथो संस्करणका लागि आवेदन खुला भएको आयोजकले जनाएको छ ।
अर्थ नेपाल प्रालिको आयोजनामा हुने अवार्डमा राइड सेयरिङमा लोकप्रिय रहेको सहारा एपले टाइटल स्पोन्सर गरेको छ भने ज्योति विकास बैंक प्रस्तुतकर्ताका रूपमा रहेको छ । सहारा एप चौथो सगरमाथा म्युजिक अवार्ड २०७९ मा २०७८ वैशाखदेखि २०७८ चैतसम्म बजारमा आएका गीतसंगीतले सहभागिता जनाउन सक्ने कार्यक्रमका प्रमुख पुरुषोत्तम बस्नेतले जानकारी दिनुभयो । जुरी र भोटका आधारमा अवार्डको अन्तिम निर्णय हुने अवार्ड संयोजक मनोज थापाले जानकारी दिनुभयो ।
अवार्ड २०७९ मा राष्ट्रिय, चलचित्र, आधुनिक, लोक दोहोरी र पप विधामा देशभरका कलाकर्मी सहभागी हुन सक्ने कार्यक्रम निर्देशक कुशल खत्रीले बताउनुभयो ।
आयोजकका अनुसार सहारा एप चौथो सगरमाथा म्युजिक अवार्डमा नेपाली गीतसंगीत क्षेत्रमा योगदान पु¥याएका एक विशिष्ट व्यक्तिलाई लाइफ टाइम अचिभमेन्ट अवार्ड प्रदान गरिनेछ भने गीतसंगीत क्षेत्रमा विशिष्ट योगदान पु¥याउने संंगीतकर्मीलाई विशेष सम्मान र कला क्षेत्रमा कलम चलाउने पत्रकारलाई समेत सम्मान गरिनेछ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच