-रामचन्द्र रायमाझी
पाल्पा । पाल्पाको रामपुर नगरपालिका–५, सानीअमराईमा अटो र जिप ठोक्किँदा अटो चालकको ज्यान गएको छ ।
शुक्रबार साँझ कालिआँपबाट रामपुर बेझाँडतर्फ आउँदै गरेको लु १ ज ४१३३ नम्बरको जिप र विपरीत दिशाबाट जाँदै गरेको लु १ ह ४१३८ नम्बरको अटो एक आपसमा ठोक्किदा अटो चालक निस्दी गाउँपालिका–२, सहलकोटका ४५ वर्षीय चोपबहादुर ढेंगाको ज्यान गएको हो । उनको युनाइटेड मिसन अस्पतालमा उपचारका क्रममा शुक्रबार राति नै ज्यान गएको जिल्ला प्रहरी कार्यालयले जनाएको छ । उनी रामपुरमा डेरा लिई अटो चलाउँदै आएका थिए ।
अटो र जिप ठोक्किँदा चालक ढेंगासहित चार जना घाइते भएका थिए । अन्य घाइते मध्ये अटोमा सवार रामपुर नगरपालिका ३ ओइरेघाटका ३८ वर्षीय सुरेन्द्र थापा, उनको छोरी १० वर्षीया अञ्जली थापा र १२ वर्षीया पुष्पा थापा घाईते रहेको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिनुभयो । घाइते मध्ये सुरेन्द्र र अञ्जलीको अवस्था मध्यम रहेको छ । ति दुवै जनाको लुम्बिनी मेडिकल कलेज प्रभासमा उपचार भइरहेको छ भने पुष्पाको उपचारपछि डिस्चार्ज भएको जनाइएको छ ।
जिप चालकलाई प्रहरीले नियन्त्रणमा लिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच