काठमाडौं । आगामी निर्वाचनका लागि सिट बाँडफाँटको जिम्मा पाएको सत्ता गठबन्धन कार्यदलको बैठक आज पनि बस्दै छ।
प्रधानमन्त्रीको सरकारी निवास बालुवाटारमा ४ बजे बस्ने बैठकमा प्रतिनिधि सभा र प्रदेश सभाको सिट बाँडफाँटबारे छलफल गर्ने भएको हो।
कार्यदलले यसअघि अलग अलग रुपमा प्रतिनिधि सभा र प्रदेश सभाको सिट बाँडफाँटबारे छलफल गरेको थियो। सत्ता गठबन्धनभित्र सबै दलहरूले आ-आफ्नो दाबी पेश गरेका छन्।
गठबन्धनमा सबैभन्दा ठूलो दलको हैसियतमा नेपाली कांग्रेसले धेरै सिटमा दाबी गरेको छ भने माओवादी केन्द्रले पनि दोस्रो हैसियतमा सिट दाबी गर्दा सिट बाँडफाँट निष्कर्षमा पुग्न सकेको छैन।
यस अघिको कार्यदलको बैठकमा नेपाली कांग्रेसले १ सय, नेकपा माओवादी केन्द्रले ६०, नेकपा एसले ४०, जनता समाजवादी पार्टीले ३२, राष्ट्रिय जनमोर्चा पार्टीले तीन सिटको दाबी पेस गरेका थिए ।
प्रतिनिधिसभाका १ सय ६५ निर्वाचन क्षेत्रको अवस्थाका बारेमा विस्तृत अध्ययन गरेर प्रतिवेदन पेस गर्न कार्यदललाई निर्देशन दिएअनुसार कार्यदलमा छलफल निरन्तर चलिरहेको छ ।
गठबन्धनले पाँच दलका ११ नेता सम्मिलित कार्यदललाई प्रतिनिधिसभाका १६५ र प्रदेशसभाका ३३० वटै क्षेत्रमा गठबन्धनका कुन दलको कस्तो अवस्था छ भनेर तथ्यांकसहितको विश्लेषण गर्ने जिम्मेवारी दिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच