काठमाडौं । नेपाली राष्ट्रिय महिला फुटबल टोलीका तीन सदस्यले अन्तर्राष्ट्रिय फुटबलबाट सन्यास लिएका छन् ।
साफ महिला च्याम्पियनसिपको फाइनलसँगै मिडफिल्डर इन्दिरा राई र दीपा राई तथा रक्षक पुनम जर्घामगरले सन्यास लिएका हुन् । दशरथ रंगशालामा छैटौँ संस्करणको महिला साफ च्याम्पियनसिपको समापनसँगै उनीहरूले सन्यासको घोषणा गरेका हुन् ।
फाइनलमा नेपाल बंगलादेशसँग ३-१ गोलले पराजित भएको थियो ।
पुरस्कार वितरण गरेपछि तीनै खेलाडीलाई राष्ट्रिय खेलकुद परिषद्का अध्यक्ष सदस्यसचिव टंकलाल घिसिङले कोट लगाएर बिदाइ गरेका थिए ।
स्वास्थ्यमा समस्याका कारण पछिल्लो दुई प्रतियोगिता गुमाएकी पुनम जर्घामगर जारी साफमा भने नियमित टिममा स्थान बनाउन सफल भएकी थिइन् । प्रशिक्षक कुमारले २९ वर्षीय पुनमलाई झन्डै एक वर्षपछि राष्ट्रिय टोलीमा कमब्याक गराएका थिए ।
इन्दिरा राई विभागीय क्लब त्रिभुवन आर्मी फुटबल क्लबकी नियमित खेलाडी हुन् । मोरङकी ३१ वर्षकी इन्दिरा डिफेन्सिभ मिडफिल्डर हुन् ।
राष्ट्रिय टोलीकी नियमित सदस्य दीपा पनि त्रिभुवन आर्मी फुटबल क्लबमै आबद्ध छिन् । उदयपुरकी ३३ वर्षकी दीपाले राष्ट्रिय टोलीबाट ३६ खेल खेलिसकेकी छिन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच